今日放學之後,老師話放左學之後有個音樂會.咁放學我就同f.1嘅同學一齊撘旅遊巴去左文化中心喇,撘車嗰時,好好玩,我同呀毛一齊坐,芷雅、女婿&親家都喺隔離,我哋齊玩,傾計 不知幾開心呀,又好笑!!!          我哋落車嗰時先到好多新人喺度影婚紗杷呀,有d係靚嘅,有d係樣....真係~~

去到會場,好多細路,有d嘈 不過上到去就唔覺lo~,台上面有好多樂器,有d我都未見過ga,不過我都冇留意,繼續同隔離傾計,好傾得幾開心~傾到個司儀出嚟講野就定左,就唔講喇.....我最鍾意就係mug毛嗰part 好好笑呀,個指揮無啦啦背過嚟講mug毛,笑爆呀!!

走嗰時又係撘旅遊巴,呀毛問左terry借左隻倉鼠,好得意ga~好好玩。so~今次旅程好開心^_^

返到學校之校都好夜喇,上到課室,d男仔喺度玩燈掣,好無聊呀,不過有d女仔喺度大嗌,都唔知佢哋嗌乜!!

攞完書包喇,我就行捷徑(不過都唔算係,我平時放學都係行嗰條ga~)，不過條路夜左會好黑,有d驚呀~但係唔知點解今日行呢條路出奇咁快返到屋企.....

夜晚都咁乜特別事發生,咁今日就過一個開心嘅一日喇!!

-end-