今日好開心...因為今日有足球比賽...同時又好緊張...因為有普通話口試...朝早攞住本歷史筆記係咁刨...刨到返學校仲未刨完...諗住上課室...就見到哲同霖係小食部度溫書...跟住走埋去一齊溫...上到課室又溫...到測果陣...歷史覺得OK...不過化學就有D難...心裡有點害怕不合格呢!...今日是5月12號...在上年的5月12號...發生一場悲劇...汶川大地震...在上年的那天...我地仲係度上緊堂...一返到屋企知道呢個消息...就好緊張...擔心。過去的此終都過去了...最重要就是面對將來...今日第2堂就係普通話...第3個就係我考...好緊張...驚自己篇成語太長...出到去...開始考啦...一開頭讀d字就冇問題...不過我年年都衰係拼音手上><...不過今次我見到d拼音...我開始唔驚...仲愈睇就愈易...我5個岩左4個呀...真係好神奇...之後講埋佢...雖然我冇睇到自己幾多分...不過好開心能夠克服到我既死敵--拼音...之後數學堂派卷...何生真係改得好快嫁姐...次次測完第2日就派...真係要寫個服字俾你呀...我以為今次點都合格啦...點知派完睇到個成績...就心情低落...呢個分真係...唉/.\...算啦...唔想講個分數出黎...之後係英文堂呀...日日英文堂真係好似過得好快...miss wong又係時候同我地講byebye...miss wong日日笑到見牙唔見眼...佢真係好厲害...午膳啦...啦啦聲去左攞飯...1個字就食完飯...好似過快...個肚真消化唔黎...比賽前係度搓波...睇到體班嬴左喎...andy好勁喎...入完又入...我地都唔可以輸...出到去...好緊張...好驚守唔到個大門...今日有我地既王牌出場--何家俊...佢抱住好大既期望...就係要攞1張『黃』牌。...不過好可惜...連球證都冇黃牌...真係唔知佢攞咩黃牌...捱到最後1分鐘最後1球...我斬...唉...都係唔入...要射十二碼啦...好緊張...靈班第1個唔入...第2個入左...第3個唔入...第4個唔入...我地班...第1個唔入...第2個入左...第3個唔入...第4個入左...咁就嬴左啦...不過都嬴得好驚險...好攰...我地今日有50分呀...沈老要表演...正...佢唱左首張國榮既歌...又跳埋舞...好似hi大左咁...不過佢跳得好搞笑...笑死人...之後抽學號出去表演...文國豐扮何老師...笑死><...之後哲出左去扮林嘉溢...笑死我啦...班成長天地真係走寶啦...咁遲先上黎...錯過演出囉...如果聽日又有50分....又有show睇啦...正...就黎完左中三啦...時間過得真係好快...一年就咁過去...過多三年可能就要各散東西...好唔想...呢三年係宣基過得好快...比起小學還要快...我地今年既班主任好正..好搞笑...好好玩...仲有1個月到就考試啦...過埋考試就a day...唔知有咩玩呢...下個星期二放學有得去東亞開幕禮...期待...唔知有邊個歌手會唱歌呢...依家開始打返blog...希望自己能夠堅持到日日打blog啦...歡迎各位留言呀^.^