琴晚，發生左一件事。呢年事就係訓訓下隻腳冇啦啦抽筋，我由細到現家都未試過訓訓下冇啦啦抽筋，果陣好驚呀．／＼．痛到出唔到聲，勁痛呀！辛苦。痛左陣，就冇咩事。９點起身果陣，隻腳痛到啞左！跛下跛下。忍住痛走去廁所方便下！今朝同亮佢地去圖書館自修室溫書，點知去到班友係度打機！佢地又話去睇戲，我又唔想睇。所以叫左吳壯業出黎行街。吳壯業踢拖出黎，戴住左頂帽，我覺得怪怪地囉！之後去左打機。打左１個鐘，就去搵亮佢地！我地係冒險樂園玩，好有童年ｆｅｅｌ。同業去玩射籃球，入左好多球喔！我以為部機會出「飛」，點知唔出，無奈＝．＝射左咁ｑ耐。冇「飛」，真好野部機。之後亮要返學校，佢走左先。我地就去左寶康，ｎ耐冇去過寶康。去到冇咩變過。去玩打千秋，正呀！冇啦啦落雨，唉！想玩下都唔得呀。之後搭巴士返屋企。業話唔舒服，希望聽日唔好落雨啦，業佢地要去海洋公園玩呀！希望聽日冇雨啦。今日玩得好開心呀！諗住返小學探下小學老師同埋ｄ師弟師妹，不過落咁大雨，都係唔好去啦！下次一定會記得去探佢地嫁。如果唔係小學啊ｓｉｒ教我打籃球，都唔會有今日既我呀！唉，最衰６年班果陣既籃球比賽，本來頭果３場打得好好，嬴哂，之後入左８強對住２屆冠軍「志蓮」，果陣１１：１１，要射罰球分勝負，最後輸左罰球，我覺得自己好對唔住自己ｄ隊友同呀ｓｉｒ。本來最後個２分鐘係８比１１，我地嬴３球，我入左個３分波，追返果３分，但係射罰球又係我射唔入，所以我真係好對唔起自己ｄ隊友同呀ｓｉｒ。果年係最後一年幫學校打籃球比賽。希望我ｄ師弟能夠幫我完成呢個願望。一定要嬴個冠軍呀！遲ｄ，一定返去探佢地嫁！就黎考試啦，努力去溫書呀！