"聽日一定訓到飽先起身!"尋晚我臨訓前我做左呢個決定

諗住今日應該訓到3點左右架啦

但世事豈能盡如人意呢....(嘆)

今朝10點半.我被一個突如其來既電話嘈醒....

我:.......喂(超眼訓)

???:喂!你好啊我係房屋署打黎架~~!"

....諗返起.尋晚我夷媽好似有講過話會有人黎整水喉

我:....喔?..整水喉啊?(超眼訓)

房屋署:啊係呀~~!興耀529係咪?

我:係啊......(超眼訓)

房屋署:係既!我地會3點半上黎整!有冇問題?

X你媽的!!3點半上黎你神撚咁早打黎駁打咩!!!?

我:喔= =|||好啊

之後收左線

我就仆番上床訓

但係唔到5分鐘..電話又響...

我:喂....(超眼訓)

???:唔該搵何美霞啊?

我:.................................打錯

???:啊?何美霞喎?

我CUT左線= =

之後死上床

但就係我訓低既一瞬間...個電話又在響..

SO我又要死落床去聽....

我:喂......

???:喂唔該何美霞啊?

無言到極點......

我:姐姐啊!!邊有人會打錯電話兩次架!?

???:啊?唔好意思...

我收左線

今次我帶埋個電話返上床...

一訓低...電話再次.......

???:喂~?唔該何美...嚓!我CUT左線....

第一次見到有人打錯電話3次...

之後訓到大約12點

有人敲門...

打開門之間見到樓下翠華的伙記.....

翠華餐廳伙記:外賣唔該!38蚊..

我:......我冇叫外賣喎.....

翠華餐廳伙記:啊~唔好意思~

之後佢走左..

其實而家我都訓唔番著啦..

但係我死都要上返去訓

之後訓到3點半...

水喉佬黎整水喉..

佢踩到屋企勁污糟...

總之而家勁眼訓= =|||