今日係9月1日.世界未日

我始終改變唔到入小仆仆既命運= =

所以晨早就搭車去左慈雲山返學orz

仆記既校服就正如套用王子既對白:『真係樣衰到冇人有』

啡褲白衫....唉

番到去..我讀4A.而4A既課室就係仆記校舍既5樓最尾間房= =

唔計天台既話.我間課室就係係最頂層條走廊最尾果度.即係學校既最右上角= =

行都行撚死\(。▽。)/

我果班好似有36個人.6條女.30個男= =

我既班主任係一個好型而且好英既阿姨= =!

係一個上左一堂就知道係好老師既阿姨

呢種先叫值得尊敬既老師啊嘛= =同某皇○舊生會既某黃銀○老師真係差太多啦

呢位班主任姓羅.教導學生態度好有威勢= =

好似今朝佢叫其中一個人去擦黑板......

羅:你.出去幫我擦黑板.唔該

同學A:下.我唔夠高喎(玩野= =)

羅:咁你放學留低我幫你增高啊?

同學A:得.我擦= =

之後呢位同學起身仲高過個老師.所以老師話佢暗串自己矮= =所以呢位同學最後都比佢留左堂orz

之後係開學禮.請主禮嘉賓入場既時候.司琴要彈背景音樂

佢彈既竟然係張學友既"一千個傷心的理由"= =

由於呢間係基督教學校.所以去禮堂開學禮會有牧師唱聖詩= =

呢位牧師姓何.一出黎就爆左句冷笑話= =

何:各位同學早晨~~大家都好熱哦可?因為冷氣岩岩開.

不過唔怕.一陣我唱完詩呢度既室溫就會下降10幾度架啦哈哈哈哈"

..............

..............

..............

(靜)

牧師既冷笑話又幾有效.真係有涼左既感覺= =

而佢唱完首詩之後.又真係令我覺得凍左..

因為真係好撚難聽啊^^

其中一句歌詞係"衪每天賜力量"

但係我明明聽到個牧師唱出黎係"衪每天刺你娘"...........

之後在搞埋D班務就放學LU.