今日如常上山.入到學校就比人捉左我冇攝衫(著住冷衫但係衫腳飛左少少出黎)= =

仆記校規真係好嚴.冇攝衫就要你放學留堂留一粒鐘= =

真係無奈.上堂分好晒d座位.坐我旁邊既係一個好撚on 9既肥仔

佢上堂會係本簿度畫米奇老鼠= =

我前面係一隻豬.後面都係一件扒

呢兩件外星生物因為中間隔住我

所以佢地傾計果陣後面果個就會叫我幫佢叫前面果個= =煩死

左面係一件扒too.囧...4面都係唔好既野

到今日為止.我係仆記都仲未有任何一個fd

而我亦唔太想同呢班人熟= =

所以冇人嘈我上成日堂..嗯...都唔錯

問題係周公星人...冇人嘈我真係好易訓著= =

唯一係geog堂同基教堂(基督教神學堂)真係唔好訓著...因為呢兩堂係我班主任教

佢會用粉刷掟訓著果d人= =||||||

我呢班d男既都好高.好彩我既身高都可以令我集隊排第4個位.但係我前面3個其實都同我差唔多

所以要小心唔好比佢地追過= =

到放學留堂.一間課室有7行位

每行都有個老師守住.即係留堂班課室入面有7個老師= =膠到爆

但係係留堂班可以訓.根本就係有7個miss阿sir睇住全班係度訓= =

咁留黎做咩呢= =膠膠膠

就咁訓左一個鐘之後就走得

搭綠van落山.在此講一講.其實搭綠van落山係一件好high好刺激既事= =

綠van不嬲都開得爆快.仲要落山喎.可想然之我放學果時係幾咁有速度感

yes~!好爽啊~~!好快啊~~!嘩!衝紅燈tim啊!岩岩差d仲撞到人tim啊!!!!!!

總結係好撚危險= =

坐完亡命小巴落到山.就轉車坐慢到嘔既巴士= =

經過丁9橋時.我會向我既右後方望= =岩岩好就見到皇仁舊生會中學

唉.........

好想番去啊

好討厭呢間學校...