今日同浸.淑女(SNOW人).關生去左海水公園玩
去到金鐘.買左飛.行左兩條街搵到搭去海水公園巴士既人龍既隊尾= =差唔多有成200幾人係到排隊= =
於是我地決定夾錢打的
去到集古村開始行.上左去食野........
---------------------------海水公園早餐分界線-------------------------------
★★~雞中翼薯條拼盤+一杯500ML雀檸~★★
...............................................................
40蚊= =||||||
唉算啦.都叫左.豪比佢
雞中翼3隻......細&少到乜咁....根本係BB雞翼
薯條.........冇落鹽啊仆街!炸薯條果條友掟落山吧啦= =正一屎忽狗(命名者:關生)
跟住落黎得我就可悲啦..
-----------------------120km/h撞水分界線--------------------------
食完去左玩咩滑浪飛船.我見人地玩完都幾濕下= =
之後我猜輸左.所以要坐最前果個位.即係"奶"最多水果個= =||
我後面係SNOW人.之後係浸.關生
唔知咩事. 一衝落去果陣我自然地大叫"仆街啦~~~~~~!!!!"因為我覺得部野好不自然地超快
落到水面既衝力比我頭先睇到其他人玩果時大好幾倍= =
所以我地特別濕= =尤其係我食晒= =
最可惡既係SNOW人竟然冇濕咁濟.所以我撥水淋番濕佢= =
離開果時其他排緊隊玩既人都指住我地笑.大慨係因為我地最濕......
點解我地會咁濕呢!?原因係排位既問題.最重果個坐左係第2個位.令船頭聚重
如果佢坐第一個位既話....相信我地當時可以即刻換衫= =
之後一直行.行到越礦飛車果度.又要CUT人.所以唔玩去左睇海獅
有隻海獅係度係咁叫.嘈死= =我地行左一個圈之後就走左
之後去左睇水母
...冇咩睇.我一直都想搵對筷子夾D水母食= =因為睇落好似好好食(?)
然後玩空中千秋.有個肥仔坐得唔好= =仲未坐好就開始起飛.夾住佢自己"果度"咁飛左3.4個圈= =||||||||
AND THEN去左玩過山車.我以前玩過兩次.唔想玩.再加上好眼訓.所以冇玩.佢地3個就有玩
之後想去玩海盜船.掛到大半就快玩得既時候.浸唔舒服.所以冇玩= =
拖左浸去有得坐既地方之後.SNOW人同關生走左上山頂買野食= =
所以我又要拖多次浸上山= =仲要佢地D袋我孭晒=皿=
上到食左野.就去睇多次越礦飛車.太多人= =唔玩.之後關生同SNOW人就買杯"飛雪冰(SNOW CONE)"食
淑女SNOW人呢個名就係我串佢"SNOW人食SNOW CONE"而黎.大家可以叫淑女做屎撈人
山頂冇野好玩.SO搭纜車落山玩嬉水禮
坐纜車其間.我.關生.浸都坐同一邊.但係纜車都係微妙地傾斜向SNOW人果邊= =
因為我地又串SNOW人重.所以佢忍唔住出手打人= =
當時佢想打既目標係浸.但係佢果招真係好絕.浸一定擋唔到
SNOW人隻手先打關生大脾一下.之後除即反彈到纜車中間既柱.再反彈到浸既大脾擊中= =
我地稱佢呢招為"閃電攻擊"(?)
落到去玩嬉水禮.換左波褲就去玩咩濕身水戰
入到佢攞左把垃圾到吐口水都可能仲勁過佢既水槍一把.同埋帶左副護目鏡就衝入去玩
入到去第一個可以裝水既地方有工作人員埋伏= =
哇咧...我頂..火力差太遠啦掛!?佢果把水槍長我地果支幾倍.仲有支水喉= =
唔夠射之下我地決定走佬.點知走走下就走到出口= =
下?玩完啦
之後就去左玩泡泡.SNOW人被圍毆.成身泡.而佢反擊既對象主要係關生
有時都會玩浸.而我就企埋一邊"飛泡"
浸同SNOW人成身都"奶"晒
終於.SNOW人將矛頭指向我.想推我埋泡堆
可惜佢推我唔郁= =仲要自己滑左入去堆泡到.真係太爆笑啦= =
最後我幾乎完好無缺地離開泡泡池= =
然後我地再挑戰多次水戰.今次好玩好多. 工作人員十分拚打= =甚至第D玩既人都攻擊我地
所以變成混戰= =
好想再玩多次.不過懶得排隊.所以就走左
然後番金鐘食飯.晚飯其間SNOW人仲係一路KAI= =
之後搭MTR番屋企既時候SNOW人更加係"未出發先興奮".KAI到我荔景落車= =
PS.今日戰利品:假狗水母毛公仔
的哥開唔開心啊^^