今日要去打ｗａｒ ｇａｍｅ，咁就７點幾要起身喇，之後出左ｍｋ食野，跟住就搭車去錦田，大約９點幾到左．．
之後我地就分槍喇，我就攞左支ＡＫ，跟住就去打喇，之後我打到祺仔哥哥個頭流血同個描準器爆左，之後打左幾場就食飯喇
！（好肚餓呀！）我食左一煲煲仔飯，之後又打過，比人打中個頭，痛痛地，好在冇流血！之後我舅父為左救我同我表舅父，比人
打到隻腳瘀左．．．
打完之後，我地就ｂｂｑ喇，我食左好少野就去左踢波，之後就去左放煙花，係咁對住人放，跟住就玩爆罐（張ｄ煙花拆開，
放ｄ火藥入個罐度燒），玩玩下，我地就放左ｄ煙花落個燒烤爐度，嚇到ｄ人死死下，跟住我同晴晴就同菜頭哥哥玩水，玩到成身
濕晒．．．．．．
跟住我地就去左唱ｋ，唱唱下我地就玩”吓！咩話？”喇，之後我就提議玩”十 十五 二十”，我飲左幾次喇，之後玩”幸
運骰”我又飲，跟住３點幾返屋企喇．．．．．．
|
