錢就快用哂，我都無計，你叫我屙出來都屙唔到比你，咁點算？無架，無錢咪無錢

只不過係有D野無左錢就做唔到咁解，有少少唔方便，錢財雖然乃是身外物，但我真係好唔捨得D身外物

今日去執Band房，升降機門口又見到個女仔，唔知點解總係覺得佢傻下傻下咁，好鬼過引，每次望到佢都會先偷笑佢個種傻態

真係好鬼得意，可能係D表情神態動作令到我覺得佢係一個天然呆，真係呢...我估得出佢係將來好易比人呃的人

執下執下見到女神經過我前面，當時我坐起地下，佢只係用一種由上以下的眼神望左我一眼，就另返轉面繼續前行

雖然佢係用個種高傲的神態對住我，但我依然覺得佢好正好正，個種帶有無視又輕挑的眼神同態度，真係電得死人殺得死人

真係成個女神咁，個一刻我直情覺得自己心口好似中左支箭咁

無計，如果唔係咁高傲，比人咁難接觸的感覺，又點叫做女神？哈哈

聽音樂會，又唔可以用好好聽來形容，雖然自己吹唔到個種功力，但我個人覺得真係未夠喉

不過聽得出某幾個人吹野真係進步左好多

無錯，係呀，我係唔夠佢地勁，無資格批評，但你幾時見過講波佬落場踢波，會踢得勁過佢地評論緊的人？

最近總係覺得自己好似中左降頭咁，我念我幾衰都好，都應該唔會因為憎我憎到要落我降頭......掛=_=？

雖然無期待，但點都要繼續落去，有乜所謂，當仲有一口氣生存個陣，就要咁架啦

求上天真係唔好令到我再度激起，真係多謝夾唔該

坐巴士，第一次見到彩霞咁靚...對唔住呀，失哂態咁追住個窗來望

我真係好鐘意好鐘意美好的事物，雖然只係一瞬而過，但係我依然想追逐美好的事物

會消失？有乜所謂，人到最後咪又係會死，消失，有乜大不了？

不過，有時見到太美好的事物，我就唔會再去追，因為，追逐太美好的事物，係會不自覺不自覺咁

擔驚受怕，怕有一天，它真的會消失，離你而去

人就係咁茅盾架啦，你鐘意你憧憬的，即使想擁入懷抱都唔可以咁做，相反，相對無咁鐘意的，你就會自動歸為己有

但，現實就係咁架啦，好出奇呀？現實會變，就唔會叫做現實世界

永遠都唔可以反抗，你唯一可以做的，就係享受一下呢種體驗，呢種又痛又喜的滋味

只係永遠都唔會習慣得到咁解

唔...有時真係這麼近那麼遠，你我相隔一點點，心的距離卻有千萬里

話說我女神真係神來，唔識訓教，到家下仲見到佢起facebook讚帖...=_=