好多功課，望下個鐘，家陣差唔多經係零晨一點鐘

終於做哂所有數學功課

英文作文，中文作文，企業、生物、通識功課呢？噢...我仲未做哂

可能真係要一日先清到一科

食完飯去銀行趕住入數，比班師奶排住左成條龍，驚趕唔切返去，無入到數

放學諗住再去入數，五點跑過去，岩岩好見到佢鎖起左度門

好有衝動走過去頂起度門撞入去......

生物真係愈來愈唔知佢講乜，第一次會聽書聽到好似聽火星文咁

今個星期我就返去背鬼哂佢，唔想小測都要做人地的踏腳石

企業真係好白痴，計個數明明係話間公司賺多左錢

都可以話佢賺得唔夠多，話佢盈利差左OMG

我真係愈來愈唔識讀書

小測計下計下，見到條題目唔對路，第一題同第二條答的予盾左，懷疑出錯題

派返個時講返，係就係出錯，但點知做左的人就有分，唔做就無分，真係中左伏

本身又話個題唔計分，後尾又用返原先個分改，真係WTF，仲要比人話我低分好唔店

我諗我真係讀緊屎片

數學呢一科反而令到我有滿足感，計下計諗下諗下，對返個答案

會有種「Oh！YES！我計岩左！」的痛快感覺

忙裡偷閒，過來打下blog，訓教，又一日

真係四面楚歌，一去補課就成班「唉~啊~嗚~」

放左都係去返樓下個私人會所溫書做功課算，耳根清靜，又有冷氣

未沖涼...洗過臉就去訓，希望聽日唔好遲到