朝早唔返學，去左交學生資助申請表，本身有得郵寄
但今日係最後一日截止，郵寄一定趕唔切，逼於無奈要親自交
其實都係我自己乜野都未預備好，臨急抱佛腳先搞到要咁趕
交完表諗住食完飯先返學，但人生路不熟，最後搭車趕返去學校上堂
返到去比人叫住左話我遲到，我話請左半日假，但係都要當我遲到
個一刻真係好想用粗口鬧校務處D低能職員
lunch入學校個時又唔當遲到，真係好智障
即係逼人走七堂先當係請假，我無上五堂就唔當請假
你班人個腦係唔係比學校搬走左？
唉，其實都無謂咁樣人身攻擊，收幾多糧做幾多野，佢地都只係跟指引做
但我真係好嬲，聽日點都同你班友撐到底，難得今年無點遲過到
返完學抖左陣就去體育館上堂，上完第三堂拎到黃帶，好有滿足感，哈哈
練習對打個時同個師姐打
本身要捉衫領，但捉得太快，佢又走位唔夠快，避一半唔避一半
隻手一野滑過領邊，唔小心捉錯位，悲劇發生了......
一陣仲要做SBA，溫企業UT，作埋篇英文
雖然乜都唔想理，累到好想訓教
但只係得返146日左右就要應付DSE
死就死啦，PK，我不會認輸的，來吧來吧=_=
| 
