你班....返學校上堂定拍拖？
大佬你要拍拖都唔好起我面前攬埋一舊，真係好唔顧我感受
返學，小息，放學都見到，成十幾廿對周圍走，真係好無陰公
攬埋一舊都算，你...你竟然起我面前嘴對嘴=_=
自己笑下就算，哈哈
我真係好唔鐘意D人口口聲聲話讀書讀書，到考試測驗考堆垃圾
真係溫書要同人講？博人比多幾句「加油呀，努力呀」有乜謂
年年都咁講，假得來又總係會有堆人信你要發奮
屋企有錢有家底的，讀書咁辛苦，幫屋企人工作算啦
或者做二世祖等呀爸呀媽養都唔成問題
侍住自己有錢唔讀書，又要扮讀書，雖然唔會影響到我，但就係好乞我憎
好唔爽，家陣我仇富心情愈來愈大
.......
近排見到呀媽填左張公屋申請表
可能官司打輸左，物業擁有權判左比其他人，逼住要申請轉去公屋住
起呢度住左17年，咁就要搬
以後要屈起一間細到豆腐潤咁的房到，唔習慣都逼住要適應
上天係唔公平架喇，人地一出身大把錢，唔讀書都得
你？成世人幾努力都無人一半身家咁多，「我唔讀書都有錢過你，吹咩？」
無錯，我真係吹你唔脹，鬼叫我條命生得無你咁好
知識就是力量？21世紀喇，唔通力量可以當飯食咩
埋怨完，又要埋頭苦幹，中左六合彩都咪必夠過成世
近排諗多左好多負面野
上一輩的錯誤總係要影響到下一代
搞三搞四，搞到個仔咁折惰，拋妻棄子，算乜男人？
世界上真係會有人唔驚比雷砍
現實
我就係唔甘心
我就係要嘗試改變現狀
| 
