近排真係多左好多野做

之前學校又話補貼通識測驗頭三名的人

去考學友社整個個通識mock卷到評估自己實力

後來取消左，都算啦，佢又話有另一間團體搞

應承左我，第二日之後又話撞左其他活動

最後逼我要去睇個乜鬼文藝片，OMG

考通識變睇文藝片，坑爹啊

琴晚半推半就之下參加左兩個比賽，開始有少少後悔

但我都想個成續表好睇D，就當比自己最後一次拎獎機會啦

琴晚同穎傾電話，明明係傾緊樂隊野，但次次傾傾下都會傾左其他野

一去到十二點就傾到我訓著左，哈哈哈

早排同個廣洲女大學生約定左，話下次見面大家都要有所成就

叫我五月左右上去參加佢個畢業禮，其實我都唔好意思推啦

佢上次都千里迢迢自己一個人來香港搵我食飯

不過我真係有D擔心去到內地會比人搶錢、偷野、扑穿個頭，毒品食物

最驚係比人殺死，一架車撞過來見你唔死，車多幾下先，唉，諗起都恐怖

十七歲，第一次上大陸，感覺上好似鄉下仔入城，去親鄉下探親都係去泰國多

訓練溫書訓練溫書......

轉頭出圖書館做野先

真係偷得浮生半日閒