今日文藝表演，夾得好好聽，第一次咁認真睇指揮
就算我係男人都睇到心郁郁，有才華的男人，絕對能夠男女都通吃
完左直落去燒烤場，重遊舊地，同一個爐，同一班人，只係少左一兩個人
記得上次來，係比成班人逼左去同佢行沙灘
傾傾下講起，頂你班死仔，原來一直都起我地後面偷睇！
唔怪得個晚總係覺得好唔聚財，好似比人望住哂咁
算數，都過左去，無咩野值得提起
只係比人抽水個時，唔多唔少會有少少錯愕
無理由比個黑面人地睇，唔扮下笑又唔得，到最後苦住咁笑出來，真係左右做人難
點解係要隔左咁耐，我到呢家先至來重溫回憶？
今日起學校表演，見到佢同個男仔玩得好密，無錯個心的磪係會離一離
真係好唔乎合邏輯，過左咁耐，點解我都仲會有咁大的迴響？
......
「乎合邏輯的事，不一定是對的」
| 
