今日比賽同一堆變態肌肉男打，拎左季軍，我真係好開心，我無諗過我會拎到獎

因為起成堆人入面，我係最無肌肉，最無力的一個

諗深一層，其實有牌都係因為有少少幸運，抽中個個對手相比起其他人，全身無咁多肌肉

(不過佢都拉到我好大力，係咁沉低我，條頸差D比佢挫到透唔到氣，想殺死我咁，痴線...=_=)

呢次係我人生入面，第一次以個人名義拎牌

第一次感受到，獎牌真係得來不易，真係要好辛苦先換到返來

以前音樂比賽嬴左，都係以團體名義拎，成就感當然無呢一次咁強烈

我真係差D就喊左出來，好多謝師父係唔係都叫我去參加左個比賽先

亦都好多謝你起呢兩個月入面教識我咁多技術，即使我學到幾差都好

你都肯花時間咁教我，無放棄我，總之就好多謝你，真係好多謝你，師父

打到隻腳整傷左條筋，隻手殘到用唔到力，但換到個牌返來

無論有幾傷都好，但至起碼對我來講，呢個獎牌值得我用呢D痛苦換返來

不過今日比賽見到好多人斷手斷腳要call白車，自己上場個時都驚會唔會下個就輪到自己......

個細路仔係咁話咩包屍袋，人地明明係蓋被保暖，真係童言無忌，笑死我

話說我又多左個新花名，「泰仔」，打柔道，打起上來個名都霸氣D，哈哈哈哈

有心唔怕遲，即使只剩幾個月練習，只要自己肯衝刺，點都會有少少成果

我，就係一個實例

好喇，我玩到月尾，就會唔點再去玩課外活動

全力向學業衝刺

就比我開心埋呢晚啦，我諗我今晚都係訓唔著架喇

哈哈哈哈哈哈！