二零一二年應該係我咁多年以來，最精彩的一年

十二月尾，膽粗粗咁去學柔道，參加左三個柔道比賽，本身都只係諗住出去吸經驗

話哂都係岩岩入來館到玩，完全無期望無信心

但校際賽就好好彩咁抽到個弱雞對手，最後仲好幸運地嬴到，拎埋獎牌

今日都有場比賽打，不過臨出賽前見到上場賽事有人斷手

見到都刺激，真係小D心血都比佢嚇到唔敢上場打

第一場就同個啡帶打，唔過兩分鐘就比佢爆左頭，輸左，個頭即刻流血

好在傷口唔大，無咩大礙

雖敗猶榮，盡左全力去打，師父都話我呢場打得唔錯，收貨，有進步，咁就算啦，哈哈...

我好多謝兩位女師父，大師父同各位師兄師姐起呢一年對我的教導，教我應該點樣去打好柔道

除夕日參加左香港步操樂隊比賽，呢年係我入「PGS」樂隊的第一年

雖然入到去人又唔識，朋友又唔多過，自問吹野又唔夠其他人好，操圖又差

但都有好多人照顧我，去到最後參加比賽，拎到金獎，見到三位指揮都喊哂口，講唔到野

個一刻我真係好感動，好感激佢地比我落場參賽，無放棄過我

呢一年，我先發覺到，其實有好多人都起身邊照顧我，保護我；而我一直都無留意過

我只係顧住做我自己的事，無諗過點解事事都好似暢通無阻咁

我真係要好好反醒我之前一直起到做緊乜野

書又未讀好，離文武雙全又有一大步要行喇，哈哈

參加完今日個比賽，就乜都唔再玩，收山，好好讀書