mock試將至，心情忐忑不安......

我之前係一個「聽日考試，今日溫書」的人

時至今日，反而起好耐之前就不斷溫到隻狗咁

因為我同好多考生一樣，我驚死

「車！考試測驗之嘛，有乜咁把炮？考天才波我都合格有餘架啦」

的磪，校內的測驗考試，無論你有無用心去讀，都好易考到一個理想的成績

我唔係讀band1學校，我知道咁樣只係井底之蛙，同班地底泥比

而且校內眼前的一切都只係幻像，呃到人，呃唔到自己，自己知自己有幾兩斤

一上到中五中六，開學無幾耐，「哎也，中伏」

上到去先知原來出面D卷難咁多，問題用字變哂難到你呀媽都唔認得個隻

那個甚麼「debar」，甚麼「anodyne」，甚麼「apothegm」

還有「光合作用，暗反應」，「ATP，NADPH」.......

媽的！這些我見到就頭痛

即刻心灰心淡，以往卷上面滿滿的剔號，即刻變哂做血紅色的交叉

點解上到來我會讀極都唔明？究竟我讀書有乜意義？我不斷反覆咁問自己

唉，諗深一層，試問有邊個會想讀書

學某君話齋：「唉，有邊個想讀書，只不過讀書係呢個社會的遊戲，我都只係被逼參加來玩，

                        社會唔會容許無讀書的人生存」

某君家下係單車港隊，即使佢轉做全職運動員，我覺得都大有作為

只不過就正如佢所講「社會唔容許無讀書的人生存」

全職運動員都會去外國交流比賽，學肌肉力學原理，所以唔讀書，真係屎都有得佢食

音樂完全停哂無練過，柔道停左好耐，琴日上最後一堂，師父話我開始開竅，打得愈來愈好

真係大吉利是，最後一堂先來咁樣讚我

最終呢D活動都只係「課外活動」，「課」果然對學生來講係最重要吧？ 

讀完書，我唔會放棄我的運動同興趣，只不過係暫時放低而已

我無可能會放棄

讀書，會改變一個人