琴晚好夜訓，四個鬧鐘鬧不醒，朝早起身跑落樓下搭的士

上車無耐比個白髮蒼顏的司機聊我傾計，我好鐘意同佢地傾計

因為大家傾計都唔會有所顧忌，傾乜都得，而且有時會有老司機幫你開示一下人生

傾傾下傾到關於現今一代的後生仔好多都溫室長大，個個都無乜難關

對我來講，每個學生所面對的一次人生大考，就已經算係一種考驗、難關

所以已經無話乜野溫唔溫室，長唔長大，有無抗逆能力

人大過左，係要被逼面對好多意想不到的事

不過面對多左，又可以點？有幾多人真係可以做到關關難過關關過？

做人真係好麻煩，成日要顧住其他人點諗

當人地做事偷雞走捷徑，你就滿口仁義道德，指住人地個鼻鬧，加多兩錢重

係都要整死佢，唔見佢死都唔安樂個隻，好似殺左你老豆咁

到佢死左，到頭來你又背住全世界，自己做埋同一樣的事，咁樣算乜野？

黃子華好簡單的一個道理：「點解細過教你做人要拾金不昧？」

「下？你執左咁人地執乜野？」

利益利益，全世界都只顧住個小小利益，乜野都唔理，推人去死，自己就風光拎著數

仲可以光明正大咁同你講，呢到無王管無人理，你吹得我脹咩？咁我認我又真係吹你唔脹......

大過左先知所謂的「道理」只不過係用來比其他人拎利益

我真係唔想同人相處，「天下烏鴉一樣黑」，見親個個都係咁，個個都咁無賴

考試考英文，考完有種比人拎左去打靶的感覺，opera串錯左做oprea，哈哈

返到來搞學資處的野，唔知呀媽又發乜老脾，我又跟住發脾氣鬧鬧鬧

今次我係激動左，問題係大家都要臉，唔箭點收場

又要我做醜人，唉

 朋友，約定考試後跟你在廣州見面了

突然有種好奇妙的感覺，我好想見識更多呢個世界

認識更多唔同社會層面的人

「all walk of life 」，無記錯應該係咁解=_=

但我更加想的

係一個可以陪我陪到人生結尾的朋友

係已經有而我唔知道，定係我連朋友的定義都分唔清？我唔知

我只係知人地重質不重量，而我就重量不重質，本末倒置

不過都無所謂，做起事上來反而更方便

唔使瞻前顧後

雖然讀書辛苦，但家陣呢種生活都幾愜意