星期一考埋生物就考完個mock，考左成個月，真係想死，哈哈

正式的沒來，預備試就已經頹到咁，真係想死

今日上返柔道堂，感覺變左好多......

我唔明點解師父會無啦啦唔鐘意兩個師兄，仲用「無限入式」的練習方法趕佢地走

無論玩咩野運動、音樂、棋藝等等，都係以團結，朋友為重點

點解念都唔念下之前的感情，唔通之前的感情只係用來當做工具？

我真係好唔想呢兩個師兄走

佢兩個係我玩柔道第一、二個識的人，都係同期入來，感情最深

你兩個走左之後，我仲點有心機留起呢個會到玩落去？

我個立場好微妙，同師父好，同你兩個好；但你兩個就同師父不和

我唔知你兩個係唔係因為同我fd，驚影響到我先走

之前已經有咁多師兄師姐比人用生豬肉藉口趕走

個個人都可以為左自保，聲都唔出句，就連女師父都係咁

唔通無人覺得下一個會無啦啦比人趕出去的人就係自己？

我寧願出聲問，我唔驚比人踢

我要知真相，我要知點解佢兩個份人咁親切友善，師父都唔鐘意

就因為理念不同，目標不同？

玩柔道，唔係講求樂趣，講求個人技術磨練嗎？

點解就因為佢兩個起會入面勁，因為佢兩個追求更高一層的技術就唔得？

出面社會，人事關係原來可以複雜到咁

你兩個轉左會之後，我都唔會忘記之前我地係同屬一個會

曾經係朋友，呢家係朋友；以後，都會係朋友

我唔會理師父點講你兩個，因為我親身經歷話比我聽

你兩個，一個係呆頭呆腦的大好人，一個係陽光親切的運動男

多謝你地照顧左我咁耐，有緣戰場再見，我唔會留手架，哈哈！