7/3起，日記打住呢到先

(at 7/3 11:55)

今日係你畢業禮啊老婆，其實我琴日去左西九想買隻唐老鴨比你

但佢得返毛毛，無哂唐老鴨，又鬼死咁大隻，但我見咁平，於是就買左喇

買完又諗起你前日同我講叫我唔好買，但唔理喇

今朝一早勁早起身，拎埋隻公仔起樓下等你，但見你唔到，於是就返屋企訓

訓醒已經三點半，仲諗緊送唔送比你好，又無時間諗，諗諗下又驚你帶返去麻煩，你屋企又無位放

最最最最最緊要係，唔想你又話我用無謂錢買野，於是就無拎來比你，仲諗住靜雞雞放返出去

你放左之後同我去買野飲、食小丸子，臨返上去仲同我講，如果我拎來比你，你會好開心

對唔住啊，其實我聽到真係好唔開心，好心痛好失落，因為無拎到比你

不過返到去，我又諗左好耐，每段愛情都總有一D遺憾、錯失o既事

如果你從後門出面，如果你出門前搵我.....

結局，或者會好唔同，就好似我生日，你本身想整蛋榚仔比我一樣...

但所慶幸o既，係我同你無擦肩而過，無錯失過我兩之間o既感情

如果你無起我facebook留言，如果我無主動inbox你，如果你個時無男朋友，如果我去左repeat；

或者你唔會引起我注意，或者我唔會留意到你，或者我唔會咁傷心咁珍惜你，或者我同你只會擦肩而過......

所以呢，隻公仔我保管住，我決定唔會賣

我要等你大學畢業之後再拎返出來，或者等將來個女畢業，送比佢，hehe

你啊，頭先起facebook tag我個段野：

「來月事不想出門時 她家男人給她買衛生棉
累的快虛脫的時候 她家男人給她拿熱水洗腳還帶按摩的
生病的時候 她家男人餵著喝藥.....」

令我諗起我一知你月經來，就即刻買月經貼比你，因為我知女仔來月經係好難受

我幫你按摩按得好開心，係因為你願意比我幫你分擔同舒緩你疲累，只要你舒服，我就好開心

你話胃痛，我聽到個時個心仲痛，我緊張到即刻買胃藥比你，我第一次擔心一個人擔心到要死咁

另外，其實我好驚要同你分開咁長時間

因為我一個人，好寂寞......

但我會努力架，白痴！努力為DSE進發，考得唔好我唔會原諒你架！

P.S.我愛你