每一晚一念到要迎來第二日，真係唔多想訓落床到訓教
可能覺得每後一日都比前一日過得差，愈過一日愈覺得難受，愈大過愈來愈難識笑
愈來愈多野要面對，過多半年左右，就十八歲，要變做成年人，要考公開試
以前細過個陣時好想做大人，總係覺得大人好多野可以做，可以不斷咁玩，好自由好無憂
但當大過左，先至發現原來所謂的「好多野做」只係一種辛苦，而唔係自由
人出世到死，都比社會壓制住，要發圍，要努力，要讀書
搞到要做咁多野，最後為乜？為兩餐安飽養老母老豆，成家立室
有無得去玩？唔知架，你讀書讀18年，好彩的20幾年，出來做野都成廿歲出頭，做到30幾歲
先至話有機會養埋老豆老母成家立室，仲講鬼買樓咩，樓價又火箭咁升
好彩的，咪50.60歲退休先有錢玩得囉，唔好彩，唉，真係唔好意思，一世勞碌命做死一世啦
唉，其實都唔係煩呢樣野，做幾多樣野，我都無所謂，我唔怕辛苦唔怕捱
而係要面對人，要面對好多我唔識應付，好想見面但又唔見得面的人
要面對一D永遠都唔可以將某一D事話比佢知，一話比佢聽就會搞大獲野出來，但你又好想同佢講...
做人真係永遠都無可能會同人剖白哂自己的一切一切
其實，都無乜野，最多都係自己食左佢
但食唔食得落，又唔到我揀，只係我一定要食落肚，唯有試下享受下呢種滋味啦
每一晚都不斷咁念，究竟我經過左今日之後學到D乜？
有的話當然會不斷回味，邊到做得好邊到做得唔好，無的話，算啦
咪又係咁過，即使十年如一日，我都只不過係一個平凡高中生，生活邊會可能有改變
唔通真係好似漫畫入面主人公咁咩，無啦啦遇到女神喇喎，仲要熱戀到結埋婚
無啦啦有機遇變到做有錢人喎，無啦啦做黑社會大佬有錢喎
都係算吧啦，迎接第二日就好似拆禮物咁？傻啦，我之前都係撞親個腦先會咁講
邊會係禮物，估得到就唔會叫禮物啦，我的生活，好死板，邊有可能會變，即使可以，我亦都唔太想去改變
只係驚不斷變衰，而唔係變好
如果個天公平到比我搏一次，賭一次，生活將有50%變好50%變差，對唔住，我都唔會去搏
我寧願保持呢個狀態都唔想去變差，變好？變好又點，咪又係同樣心態咁過日子，有乜唔同到？
我係驚，咁又點？我不嬲都驚我生活會變得更差，我最驚的係呢樣
有時真係好憎D耶教徒講乜春「上天比你的考驗」，收皮啦
你比人斬哂手手腳腳落來，又無啦啦變做盲啞人士，你仲夠膽話上天比你的考驗？
只係安慰自己的一個藉口，真係好黑人憎，點解要安慰自己？搵樣野寄托無所謂
但大佬，你都唔使乜春都話「上天，神」，真係溝通唔到，極端到成個邪教比人洗左腦咁
唉，真係唔太想迎接第二日，即使第日變好又點？咪又係乜都唔會做唔想做
做多又比人屌，做少又比人屌，唔做又比人屌，都唔知做乜春野，返工又係咁，去到邊都遇到呢類咁鐘意屌人的人
發洩起我身上無所謂呀，但都唔使咁頻密架
明明係同事出錯都要入我數，唉我屌，我返耐過佢，你當我大粒D點都好，你覺得有人出錯屌左我先就實無死架喇
咁我呢？我可以屌邊個？唔通屌返個同事咩，仲要一齊做野，我屌左佢咁我點收科？
幾時到我屌人？無架，我份人同性格完全唔識屌人，嬲一個人都係自己打牆打枕頭打下飛機大下叫咁
最把炮咪又係起呢個qooza打下字發下洩，仲可以點？我係唔識鬧人，有乜所謂
唔通鬧人屌人真係咁過引咩，我就真係唔覺，因為我唔識所以未試過，可能好好玩啦，不過我就唔太好受
唔通我真係好好屌咩，真係...
毒撚學乜野人鐘意人，早就應該做返好自己應有的本份，收皮一個人靜唔好搞到任何人啦
人地只係思春期發春求其搵個男人拍下拖炸，唔通真係覺得睇得上我咩
樣無性格無身材無錢又無，乜春都無，個個都玩玩下咁，唔通覺得我靚仔有錢孝順咩
貪我一定唔會拒絕，睇死我都無女人要，求其執返來玩下好過乜都無啦
我知，我有所謂就唔好學人拍，無所謂就唔好學人咁多爹咁多野講
係，我有所謂，我覺得我係應該有尊嚴，雖然人地覺得我無，但我都唔會再踏入去呢個陷阱到
你班八婆，唉，比人搞完比人飛，我都唔知點形容我呢家個心情，可惜？抵死？走寶？但念念下我又唔係寶
念深一層，其實都唔關我事啦，你地個個唔夠一個月就飛左我，我都唔知應該慶幸定喊好
我問題？你地問題？定還是大家問題？我唔知，我只係知道我起你地眼中只係一件玩具，一個裝飾品
就算我呢家有鐘意的人，都唔會講出來，因為呢個年紀差唔多一拍就預左散，講出來等比人飛？哈哈
就算我鐘意邊個，有無鐘意人都好，都唔會講比任何人知，唔會影響到任何人，只係我個人的「問題」
我甘於做一個無出色的男人，永遠唔會再追女仔，正正係咁，我先唔會有咁多野煩，追來做乜春？
追完可以令我發達？令我有錢買樓？令我變得有口材？令我變得靚仔？令我唔會再比人飛？
可能有人會覺得未試過想試下戀愛個種滋味係點，係呀，無錯你初期係好開心，之後呢？
試完又點？試完你會覺得你成長了？好新鮮？跳樓都好刺激，食屎又未試過，點解又唔去試下做呢？
戀愛同食屎跳樓兩樣野同時做齊完全無分別，絕對無
世界上唔係樣樣野都試得，仲要搵人陪你試，收皮啦仆街，神農嘗百草，你又唔跟埋佢去試食草？
有野試完係會死，就好似你唔知個樣野係有毒定無毒，放左落口來賭，唔通真係好好玩？
算啦，有邊個真係會拎個心出來對住佢，就算有，個個幸運兒都唔會係我
即使我係個個幸運兒，我都唔會示意，因為既然拎得個心出來對住我，我點都唔會仆街到將佢用來做賭注
毒撚真係做返毒撚最好，唔好扮正常人，扮書卷氣重的高材生，只要乜野都唔好做，就唔會有錯，做多屌多，做少屌少
做人做到咁有乜為？真係唔知，但係唔繼續生存落去可以點？唔通自殺咩，傻啦
我都唔明點解出生以來念過咁多次自殺，都無做過出來，可能只不過係純綷的生物生存意志啦
或者，我無得精神病已經係一件好幸運的事喇
算吧啦，早抖啦，講咁多野，最後咪又要面對現實第朝見，唉
「不讓我想 我偏偏就最想」
「我試過試過 但最後都一樣」
「我愛你愛你 但愛又怎麼樣」
「算了 說了 就算說罷了」
「看了 怕了 就怕怕罷了」
痛了 喊了 就喊喊罷了
就認為是學會了
| 
