今日上上下科學堂,秦sir去入黎又搵我

我問佢咩野事,佢話:「唔使咁驚,想同你傾下計」

個一刻有少少覺得佢好似金魚佬

同佢去到15號房,入到最入面傾

佢問左我一d家庭的,學業上的,今年的期望,對喱班的睇法

佢話我有領導才能,我同佢講:「我個班冇乜人係會聽我講野囉」

我個班講真冇幾多人會用心去聽我講野呀,你估我係河粉咩=3=

佢又問我大個左想做咩野.我話:「犯罪心理學家,但我知我一定做唔到」(佢話想,無話一定做到)

到最後,我問佢細個讀書叻唔叻,

佢話:「佢細個讀書好差,成日都只係掛住玩,中學都只係Band5(依家當然冇Band5)

但我到到中2個時,就成日問自己,係咪真係想成世都比人睇唔起,之後就一直努力讀書!」

我聽完,就諗,.....點解好似個個男老師細個都係咁

傾完覺得幾好,感覺唔錯

到最後佢又補充,之前都已經同過幾個人傾過計

我諗之後,佢都會搵其他人又傾下

重以為只係傾計都傾左兩堂,點知,原來只係傾左半堂=3=

又要繼續上理個半堂