早一晚3點幾先打完日記訓覺，朝早7點幾又要起身返學，見到希拉利有得繼續訓，真係有衝動想逃學唔返學！！！！！！

　午餐食咖啡啫喱提神！Joy同Susie隻手响到搶鏡，哈哈∼

放學响車站會合希拉利，由於佢早左到所以响商場行左一陣，咁就有收穫買左對鞋，真係唔夠定力呀！！！

　黎到梅田第一時間去食野。希拉利傻嫁，等到我放學先食午餐∼

天書介紹o既咖喱烏冬，唔錯！另外仲叫左天婦羅烏冬，不過一般！本來我地今日個行程係黎梅田行街，晚餐食蟹道樂，

之後再去摩天輪睇夜景。點知食完烏冬都已經5:30PM，我地就諗住早d搵定間蟹道樂响邊，之後有時間先再行街，點知.........

我地搵左勁耐都搵唔到，好彩我地問路遇著好人，個姐姐幫我地打電話去問間舖個位置，終於行到7:00PM先搵到，失晒預算！！

　我地同所長一樣叫左兩個餐，一個鍋一個燒，然後share黎食

　環境超靜，得幾枱客人

　真係好懷疑我地兩個食唔食得晒！

  　呢個女仔係中國人黎嫁∼　　前菜唔啱我地口味

　刺身同凍蟹

　鍋同燒蟹

　天婦羅　 　好俾心機拆緊蟹肉

　湯飯，食到呢到已經好飽...

　仲有壽司同甜品

個雪糕超超滑，上面d綠茶即時响我地整嫁，雖然苦苦地，不過加埋好香滑o既雲呢拿雪糕，真係好味到暈呀！！

呢餐要多謝Ponchi Papa，不過我夜晚返到屋企先見到你地個留言，所以冇簽到卡係用現金，Ponchi Papa，日本碌卡要收幾多手續費？

食完飯已經9點幾，真係食左兩個鐘！！趕唔切去摩天輪，唯有改行程聽日先去，舖頭又閂晒冇街行唯有返歸∼

　明明話好飽，但又食晒個生日蛋糕仔，哈哈∼　希拉利，生日快樂

今日同希拉利去左京都玩，兩個唔識路o既人膽粗粗拎住地圖走圍行，竟然冇迷路，又冇行冤屈路，真係要俾個叻字自己！

　由王寺去京都要 950YEN，超貴∼

搭左一個多小時車，一到埗就去服務中心拎資料同地圖，服務中心個阿姨d英文超流利，勁過好多後生仔女！！

　第一站去食午餐，全層樓都係拉麵舖，稱為＜拉麵小路＞

　見呢間咁多人，就食呢間啦∼

　先俾錢買票再排隊等位，等你冇得走去第二間食

　1050 YEN　 　我o既，950 YEN

　小朋友有得用史迪仔餐具。　呢間d拉麵好好味，極力推介！！

  　搭十幾分鐘巴士，再行十幾分鐘斜路，終於到達＜清水寺＞

　人靚景又靚，哈哈^^

　入面環境都唔錯

　行完免費o既地方就到收費o既∼

　100 YEN求籤，我地兩個都求到＜大吉＞呀

　今日o既重點地方－地主神社，希拉利超想黎睇∼

　佢話要黎求姻緣wor

　洗手，漱口，再拍手

其實入面仲有好多參拜o既地方同廟，不過到到都差唔多，所以唔貼出黎啦∼

　Kitty腳下明明有個牌叫人唔好影相，但一於好少理，哈哈∼

　下午茶puff，300 Yen一個，我食o既係栗子味

　間舖頭有好多龍貓同波兒

　開口笑得意d∼∼

　雖然d產品好得意，不過冇買到＞＜

　周圍行街，仲遇到舞妓

　終於搵到＜八坂神社＞

 　又有得結緣∼

　天書話呢間＜松葉＞好出名勁多人幫襯，結果上到去，得兩個阿叔客人＝＝＂

　鯡魚蕎麥麵，天婦羅蕎麥麵

天書講到鯡魚蕎麥麵好好味，我地覺得湯太甜攪到d麵冇乜味，反而天婦羅就OK！而且客人全部都係上左年紀o既，好奇怪∼

　好有名o既甜品店＜茶寮都路里＞

裡面有忌廉..雪糕..甜栗..雪芳蛋糕..柑橘..紅豆蓉..雪芭..白玉..啫喱..寒天，抹茶一d都唔苦，1,200 YEN一杯，雖然貴但好好味！！

今日只係去左京都一少部分地方，其實仲有好多地方未去，不過時間關係去唔到，有機會一定再黎京都玩過∼∼

　京都Tower，夜晚真係成支蠟燭咁＠＠

總括黎講今日都幾順利，希望聽日都係咁順利啦！！聽日係希拉利生日，不過要等到我放學先可以陪你去玩，SORRY∼∼

今日真係不停食野，可以話係冇停過∼　先先今朝8點幾就食早餐

　哈哈，有人叮到塊包燶左∼∼

食完早餐訓多陣就做清潔，因為有客人黎，點都要執下間房o既！！個客人就係希拉利，終於有人由香港飛黎探我 ^3^

兩點幾响天王寺會合希拉利，明明約佢响車頭等，點知佢去左車尾，哈哈∼　之後就去心齋橋行街食野∼

　章魚小丸子

　大阪燒，好味道！！

　呢間舖o既芝士蛋糕好出名，排晒長龍tim，不過我地冇食到∼

　燒餅，左邊芝士味，右邊紅豆味，我比較鍾意紅豆^^

食完呢三樣野已經飽飽地，所以暫時停一停，抖一抖行下街先，行到7點幾繼續食野∼∼

　蛋包飯

食飯前我地兩個都話唔係好肚餓，不過叫一個蛋包飯兩份食又好似唔夠，所以一人一個，最後大家都清晒一粒飯都冇剩∼

　黎多個藍莓紅莓雪糕做甜品

哈哈，今日好滿足，食左好多野！！如果日日咁食法，肯定重10磅，不過聽日向京都出發，應該要行好多路，就當減肥啦∼