本來打算琴日打日記架

好可惜．．．唉∼∼

上極都上唔到網呀

部電腦真係好鬼死頂引

貓屎死完又到鍵盤死跟住死機

好過引呀∼∼

琴日叫媽打買牛仔骨＋洋蔥

呵呵∼∼因為我家政要煮牛仔骨

所以琴日煮下先

煮完∼媽打同阿妹＋妹妹都試左啦

超緊張呀∼∼佢地話都幾好食不過唔夠（閒）呀

聽到佢地咁講∼∼呵呵∼超開心呀

不過切洋蔥個陣真係好辛苦呀

喊到死呀．．．

之後我老豆打電話黎

係叫左我一個人聽

佢一路喊一路講

（老豆真係冇用．而家都冇咩掛啦．

最唔放心係你呀．你得閒幫我返去睇下嫲嫲啦．

仲有呀．你遲Ｄ買左間屋．幫我俾返Ｄ錢你家姐．）

當中講左好多野．我都係聽唔到架．（因為佢喊緊）

我只係講左（你唔好嚇我呀．你咩事呀．）佢收左線

我只係講左兩句．係唔係好衰呀

當時我個心都驚左一驚．佢會唔會自殺？？

不過之後我返左入房練琴.心情之後一直好平靜.

妹妹同阿妹入房睇下我有冇事..

妹妹問我你點呀??我冇答呀.

妹妹話(我地係唔係好衰呀.唔理佢??)

同樣.我都冇答佢~練琴.

之後媽咪又同我講

(你老豆係想你買左間屋.幫佢還錢呀.

你唔使理佢喎!)

我聽左之後覺得阿媽講得都冇錯.

佢要死就死啦.點解打電話黎同我講呀.

唔通佢想我日日傷心定真係想我買屋幫佢還錢呢?

個心好煩~我應該理佢嗎?