琴日我做d咩呢??首先去左學琴,miss話如果我唔再努力,就會係佢搬屋ge時候拋棄我

今個月我真係好忙,一個星期要學兩堂琴,如果再唔練琴同唔做miss功課.....我就要做俾人拋棄ge貓

我同miss都好努力咁係7仔買野,收集緊小丸子,我第一隻就抽中小丸子,為左討好miss,我將小丸子俾左miss

黎緊星期日同朋友去遊船可....不過睇新聞,好似有颱風吹到黎.......NO..我想去玩,要同陽光玩遊戲

七 月 十 九 日 ( 星 期 日 )
風 　 ： 南 至 西 南 風 6 至 7 級 ， 離 岸 間 中 8 級 。
天 氣 ： 有 頻 密 狂 風 大 驟 雨 。
氣 溫 ： 26 至 29 度 。
相 對 濕 度 ： 百 分 之 85 至 95 。

個天都唔俾去玩,就只好留係屋企溫書啦同練琴啦,如果我有動力同忍耐力

琴晚超開心,首先我咖啡返去太陽,同老闆娘傾左一陣計......點知話事人返左黎

佢唔知我唔做,因為話事人通常星期五先返太陽,點知星期四都咁岩見到佢返太陽傾野....

唔左住D大人做大事,我之後就等甘甘放工,我買左個袋,我通常唔信自己眼光,所以先等甘甘一齊睇叫佢話事買邊個

因為我身邊朋友個個都話我冇眼光,買個D野次次都俾人話唔抵唔靚唔襯我,等等,唉...仲話我師奶

死人甘甘,係街度見到熟,同人介紹我係佢阿媽,個死粉人,之後妹妹都黎左,我地一齊食野

.......我唔鐘意食又酸又辣ge,俾我ge感覺就好似食一d嘔吐物咁.......好唔舒服,因為佢地去左酸辣麵,我都叫左一樣ge野

食左小小就......浪費,佢又好大碗喎!!之後就約左小強一齊食糖水

 好耐冇見,岩岩見返感覺好怪,可能因為甘甘同楨b都係度,有小小唔知講咩好

之後我地返左屋企開台,智良都黎左,佢真係好煩,可能因為佢太耐冇見我,見到我就好多野講,講好多冇人想聽ge野,雖然佢多野講一直都係,不過有惡化ge現象出現,要睇睇醫生

我地仲講笑,如果要同智良結婚,只得兩個選擇

(一)煮飯俾佢食個陣要落毒,毒啞佢,等佢唔使不停咁講野,等個女人唔使煩。

(二)個女ge一定要整聾自己,等自己聽唔到佢講野,佢就可以不停咁講,等佢唔使煩。

以上意見,MONKEY  甘甘  楨B  小強好友為你提供^^

玩到咁上下,智良要訓啦,佢要好早起身返工,好似6點幾走,我同小強同甘甘都訓唔著,我地決定左玩大富翁

^^玩得好開心,甘甘要向銀行借錢,而小強中段就係好有錢ge人,而我係最後ge大富翁,我地都起左好多屋,d銀紙愈玩愈大

我地玩左四個鐘左右啦,6點幾個陣智良起身,大家都要走啦,甘甘返工就1點幾啦,而小強就要返10點幾幫媽咪睇鋪,得我唔使返,呵呵,可以訓晏d

訓到12點幾補習miss打黎.......星期六有時間俾我補習..........不過我未溫熟d英文默書.....d字隻隻都好長.....唉..玩死我

張惠妹d歌好聽,而梁詠琪ge(偏見)都好好聽,一直都好鐘意。