今年有5天復活節+清明節假期~~ 
於是就帶埋仔仔痴住老豆回鄉下拜山~
我記得咁耐以來..細細個既時候係清明節返過一次拜山~
印象中好似係好好玩~  好似好遠足咁..要係山行好多好多路
今次返大陸係..困難重重=.=
....我地約好叔叔啦堂哥啦..幾個人一齊出發..
係香港過關都好地地... 到左大陸關既時候..
老豆張回鄉卡..竟然過左期..$&^*&^(*)_(+)+&^%$#@##@$
唉~~~ 竟然係呢個時候先發生d咁既事~
老豆唯有整臨時證~~ 不過都要等兩個鍾~
所以我地要同老豆分道揚鑣...大陸見喇老豆~~~~
清明既關係~~ d公路塞車塞到暈, 我地上左車之後..由天光坐到天黑~
坐左5,6個鐘左右~~~  坐到人都癲..  終於返到大陸屋企~
一開門就見到阿爺~~ 阿爺咁多年都咁可愛~~


爺爺今年98歲..要長命百歲!!!

 
返到去仔仔即刻買雪榚吃...  蒙牛出品~ 都ok架和~
返到去吃完飯已經十點幾.. 沖完涼要即刻訓~
因為第二日要6點起身


第二日要去呢度~
呢度係以前我地姓施既人住既地方~ 而家係祠堂~



 
入度去..就好似去左三棟屋咁~           側門~
  
最入面.. 有好多神主牌~ 唔知有無我個名

登登登登~ 係咪好正~ 要水呀?!  自己打水啦~

呢棵樹係咪好大棵呢~ 係我呀爺種~ 有返咁上下年紀