上星期同MAMA&花花&花媽媽去飲茶..
飲都差唔多要埋單~ 媽媽話要去洗手間~
咁酒樓既洗手間係出面既商埸
我問洗唔洗陪佢一齊去~ 媽媽SAY NO..
咁之後我地就等埋MAMA返來先一齊走啦~
過左成5分鍾....以為人多要等洗手間啦..
又過左5分鐘MAMA都未返來~ 我咪行去洗手間搵佢~
入到去TOILET..有成十幾格都唔係ＦＵＬＬ..
我以為MAMA重係洗手間可能開大..所以去咁耐~
我咪係大叫: 媽.. 你係邊格呀~去咁耐既~??!
但無人應和~ 之後再叫 媽,,,你係邊呀~ ??! 都係無人應~
開始有好多想法~~ 媽唔通暈左???!!  
再叫第3聲~ 都係無人應~  其他去洗手間既人,開始望住我~
我唔理~ 我遂格逐格睇下.. 又"某"係地下睇下人地d腳..睇下搵唔搵到mama...
好似d小朋友唔見左媽咪...周圍叫~...... 之後都係搵唔到~
我咪衝返入酒樓問花花...媽咪有無返來?!
花花話無~ 花花即刻打電話返鋪頭~~ 睇下mama係咪返左去又無講低~
點知結果都係無~ 我又衝返去洗手間搵多次~ 係咪我搵唔清楚呢?!
入到去又搵唔到~ 再去埋傷殘人士洗手間再搵~ 都係無~?????????????????!
到底去左邊... 唔通俾人打劫?　迷暈黨？？？！　超驚............
突然有種好怕失去既感覺.............. mama係到底去左邊?!
係我好擔心...有d眼泛淚光咁行返入酒樓之際...
我見到一個好似mama的身影坐左係第2張"木台"... 行前d睇...真係mama
個刻既感覺係百感交集..... 媽你去左邊呀...點解你會坐係度?! 你知唔知我好擔心你??!
我mama 見到我第一句就同我講~ 叫姨姨啦~...=.="
原來mama見到熟人.. 坐左埋人地張"木台"到~ 傾傾下唔記得左我地~

呢排hea到癲左~日日無所事事~
無野做就睇電視~個電視又衰..
成q日都好多野睇~.... 我真係低能架..
轉去劇集台睇n年前tvb既創世紀~都可以睇到好緊張~
但明明就已經睇過好多次~

前排放暑假都有仔仔陪我~
而家日日等仔仔去返學~放學~去補習..返來屋企已經天黑喇...
...唔知呢d係咪叫犯賤.. 返工又望放假~~
而家放假就嫌悶~ 天生犯賤...
天呀~~~~~~~~~~~~
 

三分鐘熱度...
 

返左新工作十天~~ 又劈炮唔撈~@.@
突然間有點迷失既感覺...  之前訂左d目標俾自己..
重要好清析果隻... 唔知係咪有老人痴呆既關係..
轉頭就已經忘記得一乾二淨..
上星期右眼跳得好勁..跳左成個星期..
嚇到我呢~~ 左吉右凶丫ma..跳左成個星期...和!!!
預測到有d唔知咩事..又唔知幾時發生既事,,,  攪到咩都唔敢做=.=
連坐車都驚驚地..... 好似有少少精神病咁.. 有被害妄想症...
呢d感覺十分差勁!!  聽coco ma 話..走去捐下血話可以避血光..
特登約埋蘆薈.靈芝去捐血.....  我都唔記得對上一次捐血係幾時...
一問之下... 原來都成3年無捐~~ so bad~ 我都唔知原來已經咁耐~
突然間又覺得時間過得太快... 每次捐血都要重新填資料,要度高又磅重..
再有個小小血既測試~~ ok 晒的話就可以捐血~~  有捐過血既朋友應該知道
血既測試就係吉手指  吉一吉你手指頭拎少少血做血紅素test..
結果當日我不合資格...勁灰地.. 我係咁成個低能仔.. 同個姑娘講..
爭少少姐.. 俾我捐啦... 而家唔ok.. 不如我行多陣街.. 隔多個幾鍾先上來捐..
再唔係不如test多次... 講左一大輪癈話.. 姑娘送支筆俾我..好似哄小朋友咁..
話你過多幾個星期先上來啦~~ !@#$%^&*()(*&^%$#@  我唔要筆呀..我要捐血呀....
姑娘已經費事理我~~~推左我出房門...
不過捐唔到血..都吉左一下指避血光丫..haha 

返左份新工一個星期喇~~~~
但係放左3日假~ 事關星期4要返學~要拎一日假~
之後公司又要我放埋星期6同星期日...=.=
來緊得返一個星期一日假~~ 
放左咁耐假...再返工有D唔習慣要早起身=.="
不過都要頂硬上~ 要返快捱埋呢半年~~
快D讀完個COUSER.. 每個星期拎一日假重要去上堂..其實都幾累..
放假重要返6個鍾頭學~~ 上堂聽書聽到反晒白眼
呢個星期日可能係我最後一個星期日既假期~

今晚打邊爐覺得個心哪住哪住~
唔知係我變左定你變左?! ....  睇到你..
我可能係自私啦... 覺得你已經唔屬於我喇~
你唔係我識果個人.....
好似我地問你...野.... 你都要問下佢講唔講得?!
如果果個MOMENT 佢答你講啦！
咁你係咪先會講~?!   個point唔係在於你有無將件事話俾我地知..
而係... 我地識左咁耐~ 凸爆你~ 你要問下佢講唔講得俾我地知,先可以講呀?!
我而家係灰在.... 我好似唔見左個fd咁...