一朝早就流左10分鐘鼻血,搞到連早餐都食唔到,傻仔誠,sor,下次陪過你食...

唔知點解隻右眼好紅,又有好多眼水,一定唔會唔夠訓,因為琴日10點已經訓着左...

去到石澳,心諗"又熱又曬,去country park仲好!!!",但玩完之後,感覺完全相反!!!

一開頭食野,肥晴d菜有種好怪既感覺,好似d野草味,但ms 董竟然話冇野,生菜係咁...

食左好少野就玩遊戲,數字球+火燒後"爛"+拋手巾+以靴傳靴...

班會活動完左之後就自由活動時間,成班男仔玩欖球,好正好爽...

過左去玩班際,原本有幾個game,但因為唔知咩原因得番閃避球,

雖然我地5A輸左,但並無失望,因為JUST FOR FUN,結果又係5E贏...

成個ole day既感覺就係好玩,十分好玩同非常好玩...

番屋企沖涼+換衫,之後就約埋出黎食飯,o係梁嘉瑩屋企估大家既爸爸同媽媽既名字...

去左食韓燒,爽歪歪!!!

過八號傾計,大家變得感性起來,喊既原因不在於父母面對死亡,

而係覺得自己並沒有盡孝道,成日出街出到咁夜,唔係屋企食飯,要佢地擔心...

傾到成點先番屋企,不過依類既生活,o係中五已經買少見少,所以必須珍惜相處既過程...

happy happy!!!