再續....

去到流行前線,戈度同我想像中好唔同,我開頭以為流行前線係一條街,

原來唔係.佢係系地鐵站入面,不過佢戈到都幾大....有好多鋪頭,

而且有d鋪頭澳門都有...

我地四個人開始行,睇下有冇野買...

睇中左几件衫,但係每件都要百几蚊,

諗諗下...咁ge價錢同澳門差唔多,所以冇買到...

之後我地去左壽司鋪--一級棒食野...

d野幾好食..d料都好多,多過澳門戈d....

我同靜雯兩個人食左60几蚊.飽到上心口...

之後去左珠江夜遊,有一種一份錢一份貨的感覺..

我地買左張差唔多50蚊的票...

佢話有包自助餐同茶水....

一去到...= =....所謂的自助餐原來係一個飯盒.所謂的茶水真係一杯茶...

而且仲係冇電視睇,到唔知整黎有咩用...

係戈度唯一的"樂趣"就係睇住一對"熱情"的情侶係度"調情"

個男仔好似當左d人全部透明咁...係度又摸,又錫對個女仔....

睇到我勁無奈....

落左船,諗住返酒店

本來想搭地鐵,但係因因個地鐵站同我地酒店有1公里咁遠,

所以搭巴士返去...但係個巴士站(返酒店方向的巴士站)好遠丫...

我地行左大半個鐘....行到我差d同佢地發吵架...因為我當時覺得我地好似行方向...

終於去到個巴士站.....戈一刻我終於明白點解廣州要有地鐵

因為如果冇地鐵,真係行到你腳軟到未行到個巴士站 = =....

而且我覺得係澳門搭車(除左搭的士)真係太舒服,一條街有三.四個巴士站....

返到酒店,沖完涼,我地開始玩鋤大D.....

唔知係唔係我太"黑",玩十鋪,有七,八鋪係我輸....

勁無奈....玩到3點几...我地開始訓覺....

但係一D都唔好訓...因為我地兩個人要訓一個枕頭...而且間酒店又唔係俾多個我地...

訓得我好唔舒服.....

第二日....諗住9點check out,但係搞下搞下...

差唔多10點先check out...

係附近的早餐館同7仔買左d野食...

開始第二日shopping之旅.......

<待續(因為放工啦~)>