今日放學之後，去咗元朗睇醫生，溫埋貞陪我，點知個醫生去咗食lunch

又要等到3:30，俾佢激死，等到我就死咁滯，見個醫生唔係度

我就同貞去食車仔面，食完都仲係未夠鐘，於是咪去行陣街囉

行咗好耐，去到3:30，即刻行去睇啦，等咗一陣就到我喇

一陣就睇先喇，前後用咗唔夠二十分鐘，之前個間，等咗三十分鐘先有得睇

之後行去搭車返屋企，係車係訓著咗，差唔多到站個陣就醒咗

咁岩貞又諗住叫醒我喎，好"Q"呀.....

返到屋企，即刻食野跟住食藥，食完之後勁眼訓，但又睇緊"宮"喎

咪死忍囉，最後都係忍唔住，係電腦枱度訓咗，真失敗

忍一陣都忍唔到，今日個醫生話叫我聽日休息吓，唔好返學

仲俾埋醫生紙，叫我自己決定聽日返唔返

但聽日有最後一堂音樂堂，唔係好捨得.....

算喇，我唔返學，貞又要自己一個返，反正又冇發燒

返就返囉，返到去，又會忍唔住要訓

返唔返都只可以做一樣野，就係"訓".....

由於岩岩食完藥，而定超眼訓，所以.....今日日記完畢....