尋晚成一點先訓﹐但今朝7點就起左身!真係sort sort地架!平時要番學又唔見自己會醒喎!放假就咁鬼早起身!

 起左身﹐見仲早咁就做下keys skill功課先啦!

 一早﹐成間屋充滿火藥味!好驚....唔知發生咩事?只係覺得好嘈好嘈....

 等齊所有人起哂身﹐咁我地落街食早餐啦!!!

 今日食左碗火腿通粉﹐好好味!

 食完早餐﹐番屋企再做下功課!!!

 到左12點幾﹐終於向AIA嘉年華出發啦!!!未出發﹐先興奮!哈.....

 咁我約左我粒衰仔同埋衰女包向第一城集合!!!

 哇.....果粒衰仔行得勁快﹐我落車﹐佢已經到左!佢真係可以參加長跑呀....哈~

 跟住向M記找衰女包啦!之後佢地買野食啦!

 痴線架!好鬼引誘我耶.....

 佢地買完野﹐咁我地去車站等車啦...

 OH MY GOD....又送車尾啦!唉....

 等左好耐先有車到!!!

 上到車﹐唔知去到邊度又塞車!!!塞左勁耐....人家又眼訓﹐至弊係人有三急呀嗎!!!都未試過坐車坐得咁唔舒服架!

 我地發覺個司機好STUPID呀!有第二條line唔行﹐係要行果條line!!!眼見隔離d巴士擦身而過......車入面d人唔知企起身望咩???

 唉....塞左好耐呀!終於過左果度啦!一過左果度﹐即刻暢通無阻呀!!!正.....

 我出左門口三粒鐘先去到添馬艦!!!

 哇.....終於有得玩啦.....

 我地玩左過山車､老鼠也瘋狂､攪拌機､激流､跳樓機､青蛙跳､極速大風車､３６０度旋轉､摩天輪､碰碰車､7彩滑梯､空中鞦韆......不過最遺憾係又無玩到G FORCE!!!

 一開始就玩過山車﹐嚇到衰女包面容失色!!!佢個樣真係好驚....哈~~~

 之後去玩老鼠也瘋狂﹐fing到個人傻左!!!但好好玩呀....哈~~~

玩完老鼠也瘋狂﹐我個袋條帶竟然爛左!!!可能個袋D料唔係太靚啦!而且好重!裝左3個人既野落去!無計啦....我個袋夠大呀嗎!佢地擺左枝水﹐衰女包個袋!幸好佢地都好有良心﹐會幫我分擔下!如果唔係.......

跟住去玩激流!!!哇......我成個背都濕哂﹐頭髮又濕埋﹐連pat pat都濕埋!!!真係成隻名乎其實既落湯雞咁!!!

 然後我地去玩攪拌機!!!fing一fing個人﹐成個人可以吹乾d!!!!

 噢....我已經唔記得左個次序啦!!!不過我都講下我地玩每一樣野既情況啦！

 碰碰車同空中鞦韆都無乜特別﹐同海洋公園果個差唔多！！！

 由於我地得３個人﹐所以玩青蛙跳果陣﹐芝芝要同一個毫無反應既男仔坐﹐搞到佢好無癮！！！好可憐．．．．

 哇．．．．果個７彩滑梯好好玩呀！但整親個８月十五﹐仲要行一條好好好長既樓梯先上到去﹐仲要拖住塊氈上去﹐個feel勁似拖條死屍咁！！！哈．．．．

 至於個跳樓機﹐睇落去好似好恐怖咁！但其實一d都唔恐怖﹐都唔似跳樓既！都係海洋公園果個刺激d！依次個pat pat都無離開個位！！

 我地玩左極速大風車﹐佢真係係咁轉來轉去﹐但個張椅好舒服﹐差D訓著左！！！

 玩完極速大風車﹐再玩３６０度旋轉﹐真係暈暈地呀！我坐左上去﹐全程咪埋眼！但攪得好實！當玩完之後﹐我feel到好似未玩完咁﹐我個反應係．．．下！玩完架啦！但我隻手掌有起水泡既跡象！可想而知我捉得幾實呢！

 跟住又再玩番激流﹐人家岩岩乾番哂﹐又去玩過！！！又再濕過！好彩我今次醒目﹐帶番頂帽！d頭髮唔駛濕．．．呵∼∼∼

 但係d水向我個身流過﹐個感覺好核突咁！！！玩２次都係我最濕．．．唉∼∼∼

 跟住再玩多次過山車﹐今次只係最斜果度咪埋眼﹐其餘都打開眼！！！玩到好high......

 最後我地去玩果d攤位！！！收穫最豐富既係陳詠芝！！！恭喜．．．但最大個公仔真係好核突！

 可惜收穫最少竟然係我！今日無乜運．．．．得個安慰獎！不過好過上一次架啦！

 大約９點幾﹐我地去M記食我地既晚餐啦！

 哇．．．正呀！！！好耐都未食過M記啦！好味．．．．