哇......呢排真係忙死呀!!!搞到嚴重睡眠不足~~~好辛苦.......
等我講番呢幾日發生左咩事啦.......
星期一果日﹐係DAY OFF........
但果日成日留向屋企背稿﹐背到發哂癲........
當我努力背稿中﹐有人向msn騷擾我囉.......仲send左個game俾我!!!
叫我一路背﹐一路玩.......
哈......以我咁有定力﹐係唔會受惡魔先生引誘到架~~~
到左夜晚﹐由普通話了得既媽媽教我用普通話講果份講稿.......(哈....乘機讚下媽媽先!!!)
哇.......講到條痢打哂cake.........
其實今日心情好番D!但當我仲練緊稿果陣﹐有人向msn同我講左一個壞消息!
雖然........嘗試過無數咁多次﹐但個心情即刻down左落黎........
我明白佢都唔想﹐而且係迫於無奈.......
不過﹐有人以為我會嬲!
哈......傻啦!!!只係我妹妹用緊電腦﹐所以無即時回覆!!!唔好諗到我咁易嬲..........知道嗎?
跟住我講番尋日發生左咩事啦............又令我心情指數急劇下降!!!!!!!!!
其實上QT堂前都好開心架......但上完QT就..........
本身係番11:30既﹐但要番去同我D好組員練一次presentataion!!!!
練第一次果陣﹐超過30分鐘!所以我地係咁cut稿......個個都cut得好興奮.......
經過一大輪既cut稿﹐第二次同第三次練果陣﹐都岩岩好講得哂........
到左11:30﹐要上去presentation啦.....好緊張~~~~
上到去﹐我地本來係第二組!但唔知點解無端端變左第一組????
唉.....我背既野係唔記得哂囉!!!白費心機..............
哇.....當到左Q&A環節﹐D人好似傻左咁!!!係咁問野........
不過我地有Jane向度﹐佢好勁咁答哂所有問題........真係好好好勁~~~
我地present完﹐仲有2組present!!!
哇......原本放1:30﹐但2點先放得......
放左﹐大家又向度同Samuel傾下計................
哈.....多謝哂惡魔先生幫我偷睇到我幾多分!!!唔唔...分數都幾滿意!!!
我地傾完﹐又影下相!!!所以搞到2:15先去食野......但我地要2:30就上堂啦!!!
得番15分鐘﹐所以我地個個都食三文治就算啦!!!
但果位平時食完三文治﹐再食飯既惡魔先生今日竟然話夠飽喎!!!
我地個個都唔信......真係咪玩!!!
食完之後﹐我見到惡魔先生有點兒唔妥﹐好似要拎d野出黎!
真係不出我所料﹐佢又向度偷拍!!!!
到左2:30﹐我地上ECB啦!!!今日係最後一堂啦!!!
HAI.....Eddie突然間好讓座囉!!!!又話好想同Ella坐!!!
呢d通通都係藉口!!!!無非想我同惡魔先生坐姐!!!
哈....無咁易!!!我唔會咁易屈服架.........
今堂ECB向度玩拼音!!!但我地個組勝出!!!都係有賴Jane Jane姐姐!!!
Crystal 送左一大包既朱古力俾我地..........
之後我地班答岩左問題﹐又送糖俾我地!!!!令佢大出血.....kekeke.....
臨落堂果陣﹐Crystal 講埋d好感人既說話!!!搞到我有d想喊.......仲有d唔捨得佢添!
唉......上QT堂啦........
Simon sir好衰囉!!!要人地計左數先有得睇測驗分數~~~
唉.....唔想面對﹐始終都要勇敢地面對....
其實已經心中有數﹐但只係一直盼望有奇蹟出現!!!!!!但呢d都係自己呃自己......
睇完之後﹐好好好好....唔開心........
好想喊､好想搵人訴苦､好想攬住媽媽........
但我想既野﹐無一樣野俾我做到.........
想喊又喊唔出､想打電話俾Jenny﹐又無人聽､想攬住媽媽﹐媽媽又唔向我身邊!
不過有惡魔先生安慰我﹐心情稍為好一d.......雖然佢成日蝦我﹐但有時都幾好人既.......
放左學﹐我同Ella & Jane去電腦室溫excel...........
溫到6點幾就歸家!!!
番到屋企﹐心情都好左好多!!!但食完飯之後﹐妹妹勾起左我唔開心既野!!!
之後同媽媽傾番﹐多得媽媽既安慰﹐我開心番d.......
溫excel溫到1點幾先訓.....超累!!!
今朝訓到5點就起左身!!!起左身繼續溫我既excel......超亂!!!
呵呵........又同惡魔先生一齊行番學校!!!
其實﹐我而家都醒架啦!一落車就望下後面!
哈………今日我一望後面﹐見到佢向我後面!但我就扮哂野睇唔到……………但果刻真係好想笑~~
咁我鞋帶鬆左﹐諗住番到去先綁番!但當佢講左一句野之後﹐我真係唔綁唔得!
當我綁緊果陣﹐佢乘機就拎左我份notes黎睇!哼………..搞錯~~~
入到課室﹐佢又拎左我第二份筆記!阻住我溫書………
咁佢要睇前面果頁﹐而我要睇後面果頁!咁唯有一齊睇啦…………
不久﹐詹sir叫我地收埋d野!佢依然都唔俾番我﹐咁我係咁搶番啦!!!
阿sir見到﹐就話我地唔好爭持啦!快d收埋佢啦!
果陣真係樣衰死啦……….最衰係佢!!!哼………
到左9:37就開考啦!!!
唉……..記得一d﹐唔記得一d!!!好乞人憎呀~
佢地都早走﹐得我一個留守到最後一分鐘!!!
之後去7樓搵番Ella啦!!!咁陪左Ella一陣就番左屋企啦!!!
番到屋企﹐整下學校d野!!!
臨食晚飯﹐訓左一陣!!!因為實在太眼訓啦!
|
