今日一起身﹐d工作都未停過呀…..累死….

但做到好似成個家庭主婦咁!!!

首先執完床﹐然後洗碗﹐再摺衫!!!

之後睇青出於藍﹐今日個集好感人呀!!!睇到我差d想喊……

睇完又要開始做野啦………..

油埋果四份一既牆﹐就去油鐵閘啦……

不過油鐵閘好似同人搽粉咁!!!幾好玩呀……

油完之後﹐隻手好累呀…….

食完晚飯又去洗碗!!!

我發覺自己今個暑假都痴痴地架!!!竟然成日向屋企做家務!!!

阿媽依排成日同我講﹐ “唉!!!你一番學﹐我又要開始洗番碗…….”

我心諗:你終於明白到有我幫你做家務係幾好!!!哈…………

尋晚發左個好開心既夢呀……開心到醒左呀!!!哈…….本來想繼續發埋去﹐但…….Anyway都好開心!!!

今日依然係屋企整野﹐不過整左好少喳…….

而家停滯不前呀﹐我要繼續努力呀……..加油呀!蘇蔚珩……

今日要好早起身呀……平時我無10點都唔起身﹐今日要我8點起身﹐真係好眼訓呀~~~

到左九點我同妹妹落第一城等爸爸媽媽一齊食早餐﹐等左勁耐呀!!!好彩我醒目姐…..臨出門口前食左個牛角飽!!!否則餓死街頭呀!!!

食完之後﹐同媽媽&吳太去河畔買菜!!!

跟住就番屋企啦……..番屋企途中﹐見到2位中學同學!!!分別係馮詠智 & 魚蛋!!!

番到屋企﹐我地又要開工啦!!!累死啦……….

做左一陣﹐我地去左大快活食野!!!

但又向番屋企途中﹐見到我好憎既人!!!真慘…….

番到屋企又繼續做野!!!

做到7點幾先收工!!!累死啦………..想訓覺呀~~

今日爸爸放假﹐所以照以往一樣都係一早去飲茶!!!不過唔知點解今日特別想去飲茶呀!!!如果平時既我﹐一定會話又去飲茶呀…….

飲完茶﹐就出左新城市睇野!!!行左2個鐘﹐我地又開始肚餓啦….我肚餓係最嚴重架!!!我不斷叫肚餓﹐叫到佢地怕左我呀!!!哈……….

食完野我地就歸家啦……………

番到屋企﹐我又向度砌LEGO啦!!!依幾日好努力係咁砌﹐終於砌哂全部啦!!!不過我砌﹐而玩就唔係我囉!!!唉………

砌完之後﹐我開左一陣電腦啦!!!!而且send左email俾人啦!!!send完之後﹐我就去洗白白啦!!!但沖完涼﹐就見到有人覆左我email啦!!!真係唔駛30分鐘!!!勁呀!!!仲要個email睇到我開心番!!!多謝佢會體諒我呀!!!!

到左6:30﹐我同妹妹都出婆婆屋企食飯!!!

出到去﹐都好開心､好搞笑!!!但唔知有d人好似有火藥味!!!唔知佢地做乜呀!!!嚇死……..

哎呀~~~美女廚房我睇唔到頭半part呀!!!睇唔到kary煮野煮到著火呀!!!

哈…..原來好靚女既Ada煮野都好叻架喎!!!果然無令我失望呀!!!哈…….

而家睇緊女王的教室﹐好好睇呀!!!

依幾日都好累呀…..因為我同媽媽一齊幫屋企扮靚靚!!!!希望快d完成啦!!!

仲有﹐向床下底見到我好耐無玩過既LEGO啦!!!一見到佢﹐我就諗起四姨媽你啦.....記得以前我考試一有進步﹐你就會買野送俾我!!!我成箱LEGO都係你買俾我架!!!而且有時就會帶我去食我鍾意食既野!!!但而家已經無依支歌仔唱啦!!!       

 四姨媽!!!如果你而家仲向度﹐我真係會開心好多好多架!!!我而家好掛住你呀.......

P.S : 個日真係唔係唔想唔聽你電話架!係因為我唔想你同我傾緊個陣俾你聽到我喊呀!!!我想自己靜一靜呀!!!或者你都知點解我唔聽你電話!!!其實我都有諗過打番電話俾你﹐但我怕呀~~~

真係好對唔住呀!!!希望你會明白我啦!!!