今日好唔開心　感覺就係飲左好多杯苦茶

原因係無人記得我　每個無去畢業旅行既人都有手信

唯獨我...一份都無,咁都好至少比我知道事實

事實就係我一個朋友都無...雖然威威話分d禮物比我

不過問題根本唔係禮物上,而係心既問題...

當睇到大家收到手信高興個樣,眼淚就從心裡流著...

雖然無禮物收,但是我係絕對唔會爪爛塊面皮問d人攞禮物

我唔雖要人可憐我,我知道海尾同 Fanny 好Friend

可能海尾會叫 Fanny 比 d 手信我,不過咁樣對我好咩...

我個心唔會好過囉,禮物係要講心送出去　而唔係乞求返黎

所以如果聽日 Fanny 係因為海尾叫佢比手信我而送手信比我..我念我唔會收~!

甘毛仲搞笑,佢問我覺得邊份禮物靚,等我有 d 開心既時候...

原來份禮物係送比Miss、阿Sir...

既然大家都唔記得我就算囉,亦都無必要再提~

總之我個心就係好苦、好苦、好苦...

但係我唔可以比佢地知我唔開心,淚只流在心裡..

然後又帶出一面微笑去襯托各位同學..

真係禍不單行　今日都夠曬唔開心啦

仲要幾乎連童年回憶都無埋...　－ｖ－"

夜晚戈時我媽同爸上左舊屋拾屋,

問都唔問過我就開我櫃筒把鎖,仲將入邊d野掉曬

入邊d野對我黎講係非常重要,縱使我已經唔會再玩裡面d野

佢地竟然連我細過部 Game Boy 都掉埋

戈度有兩部 Game Boy 其中一部仲係全新既,Damn it...

我知道之後就飛奔返去街邊個垃圾筒度搵,搵左好耐終於搵返...

然後唔使一分鐘垃圾車就黎左...

我既童年縱使唔多快樂都唔應該被抹殺~!