今朝神咁早彈起身　為乜？

因為下載緊一個叫【勁舞團】既遊戲

係我個朋友介紹我玩架　個Game唔錯啊

不過我朋友話驚我覺得個遊戲無聊喎　但係我又唔覺bo~

不過玩左無幾耐就頭痛啦　無計啦昨晚成4點幾先訓,哈哈...

頭痛就當然玩乜都無Feel啦　咁我唯有又乖乖地走返上床訓多陣囉　－ｖ－

訓到咁上下我又鬼打咁精神　我又【勁舞】了一番

之後我又發覺自己原來未食野　ｔｉｍ．．．

唔緊要啦，反正都慣左自己煮食　點知...

去到廚房發覺D衫洗好左又未曬　　　個煲又未洗

最過份係洗手盤個去水又塞左　Oh My God∼！

無計啦D功夫唔係媽咪做就係我做囉　　咁佢要返工...咪我做囉

搞完一大批工作　之後終於到我煮麵了

一個傻佬著住件背心拎住兩條香腸煮麵　真係夠曬無聊

好彩無人睇到　哈哈，不過我都慣左做傻佬

岩岩食完麵我個朋友就上線同我玩【勁舞】

雖然佢話自己玩左一日　但係已經玩到出神入化

哈哈，佢ｄ反應真係超快　　我輸左好多次都贏佢唔到

我唯有認輸啦．．．

我媽媽今日終於記得買雞骨草涼茶啦,好感動　哈哈

佢仲比左500大兩我，不過戈ｄ係我開學既膳食費，所以要小心用錢

然後我睇埋本【投資指南】,佢最尾講戈ｄ真係好難明　可能我理解力低呱　＞＜

之後念住去星光買本琴書＊點知間鋪又咁早關

咁難得來到咪順便去其他書店逛下囉　點知比我發現左一本好正既『經濟學』書

我梗係唔放過佢啦，不過真係唔便囉　78元∼！

最後我琴書買唔到反而買左本經濟教學書，哈哈

因為明天要早起，所以今日提早左打日記　　今晚要早ｄ訓　^^"