等左咁耐終於都等到15號啦　今日真係好多野做

首先朝早又約左人黎我屋企搬埋套鼓,搬到咁上下就去左M記食野

到左下午就同威威佢地一齊去左粵華驗色盲同交表,咁樣整一整又一個下午囉..

之後我丶威威和杰仔就去左【聞雞起舞】食野,一句講曬就係屌!

間野完全無服務又收得貴,最記得佢出個飯比我係完全無丁過,

個飯出到黎凍冰冰,仲有三文治又唔灼下佢,完全係就咁將D野夾埋一齊...

入邊塊芝士仲凍冰冰都咁夠膽死比人食,隻咸蛋又切到爛鬼左...

一個餐出到黎得戈四件雞,真係頂佢個肺!!

食完野之後我地返左舊屋,因為要攞我哥部電腦做埋份報告...

做做下報告唔知杰仔搞乜鬼,搞到廁所個水箱爆水管,D 水係咁射出黎...　－Ｖ－"

轉轉折折我爸黎到整水喉,然後我地三條友整報告整到11點,最後我地落左樓下食飯~

然後食到2點幾...之後佢地黎左我屋企睇德州電鋸殺人狂,睇完已經第二朝5點....