今日只可以用一個字形容　就係煩!!!

晨咁早比 d 借錢電話嘈醒　我表哥話等錢救命

急借一千...我真係濕佢都有味!!

然後我同威仔朝早出去大陸買衫　戈時 PM12:30

出到去買左六百幾元衫　返出既時候先發覺勁多人返澳門

戈時仲有一小時就開工　真係超驚遲到,好彩人流總算幾暢通

返到澳門仲有半小時就開工　念住叫的士...點知的士站超多人

然後就一直走,直到遇到一架巴士....上到車站站都有人落車

我個心就快爆,睇住 D 時間分秒咁過...

最後總算趕到無遲到!!!

返工又係一個惡夢既開始　D 人今日唔知做乜,超多人黎賭錢...

然後我做水吧　沖野飲都沖到手軟

之後仲比個 PK 林栢龍串,真係好鬼煩~!

然後我表哥 d 追魂電話又係咁打黎,好彩效左震機...FUCK!!!超煩!!!

今日真係做到爬係度,個百癡仔鄒尊義又講埋 d On9野

佢話叫我借手機張卡比佢吸阿嬌 d 相...媽的!!!

我手機咁多重要野　借張卡比佢仲有得淨!!!

我叫佢上網自己搵算囉...

放工之後覆番電話比表哥,佢問我有無唔用既手機

個仆街借部手機比佢仲有得淨...有我都話無啦

佢離譜到走黎新葡京搵我借錢,問題係我根本唔想借錢比佢

我問佢乜事咁急要錢,佢又唔講...最後佢同我講佢個 FD 無牌駕駛撞花人地架車

又話無錢倍就要留案底...講真我唔多信囉...

如果係佢個 fd 佢會唔會咁有義氣山長水遠黎葡京問我借錢啊~

我覺得佢無對我講老實話囉,又話叫我唔好同佢屋企人講

就算佢係講真話,我都唔會借錢比佢個 FD...

因為無牌駕駛又撞花人架車係自己貪玩

仲要無錢倍比人...咪等佢留個案底囉~

年輕人犯錯唔比 d 教訓佢唔得,借錢比佢都害左佢~!

更何況我覺得我表哥係吹水,我先唔信佢咁有義氣幫朋友

佢一定有 d 野隱瞞住我,而且唔方好野...