早兩日聽媽咪講起..話我哥要結婚

我真係有點意外,我爸又話我就快做人【二叔】,頂~叫到我老曬...　=.="

咁講法即係我哥先上車後補票........"

然後我問媽咪佢地幾號結婚,媽咪話 5月25日 ,Damn! 咁咪即係我考臺灣入學試戈日囉!!

好彩我考試考到下午3:30 ,我念趕車都應該趕到去飲戈餐喜酒 ge~

不過最奇怪係我爸同我媽竟然叫我唔使著西裝,又話如果趕唔到就唔使出席...　－　－"

自己阿哥結婚加上又係主人家,試問我又點可以唔出席呢!!

我一定會著西裝出席囉!! 如果唔著西裝,女家戈邊會點念我地男家??

點解男家咁寒酸...西裝都無多件!! Damn~!

仲有一樣好煩既問題,就係唔知送乜比我哥做賀禮,

我份糧出埋唔夠我用,最多用一千元買賀禮,不過就係唔知買乜好....