我今日就好心痛啦，
唔單止心理上，
身理上個心都有D痛。
心理ｏ既心痛都因為見住自己ｏ既英文考得唔好，
雖然都合格，
但都係四成多少少，
自己的確好俾心機操過，
但奈何一D成效都無，
睇黎都死硬啦，
但我都知唔應該輕言放棄，
我都會再擺多D時間操下，
希望真係有奇蹟出現啦!!

今日食完LUNCH後，
早覺得有D心絞痛啦，
仲覺得個心跳得好快，
都唔知發生D咩事，
不過，
我都無理佢啦，
反正由細到大都係敢，
間唔中個心就有D痛，

係到就祝大家生日快樂先啦，
點解會祝大家生日快樂，
原因就係今日係人日啦，
即人人生日ｏ既日子，
你地許左生日願未呀??
未就快D啦!!

到左人日，
就係折利是ｏ既日子啦，
係敢折利是係敢折利是，
今年真係過肥年啦，
單係台灣已有四千新台幣，
即接近一千蚊港幣啦，
香港到就少D啦，
都有二百幾蚊啦，
少就係少左D啦，
就係因為過左去搞到有D無去到拜年，
敢就無左D啦。

最後希望你地生日過得開心D啦!!