講起上來，
就要講番星期六了．．．．．．．

話說星期六果陣弄傷左隻腳，
本以為冇咁事，
所以冇理到佢，
點知番到屋企ON左一陣LINE及寫完日記後，
本想去飲一飲水，
豈料隻腳劇痛，
行到行唔到，
一睇之下發覺係菠蘿蓋附近的位腫晒，
阿媽見狀，
立刻CALL左的士，
送左我去威院睇急症。

本以為睇一睇就冇事，
豈料事情並非如我所料，
醫生要我留院觀察，
一住便住左兩日了。

係呢兩日內，
真係無聊至極，
加上隻腳很痛，
因此兩日都係病床上度過。
係呢兩日內，
都唔做過D咁，
唔係睇電視，
就係訓覺，
正所食飽就訓，訓飽就食，
便是這種了。

係琴晚還要禁食，
原因是醫師話我可能要做手術，
好彩，
經過醫生今日的診斷後，
話我唔做手術，
更批准我出院。

你地都唔知係威院的日子真係好難過，
首先威院提供的伙食SO BAD，
不但難食，
而且食完都唔飽。
其次係威院真係冇覺好訓，
原因係我隔離床的阿伯，
佢係三更半夜開始嘈，
成晚都講佢係沙角邨D事，
最睇唔過眼我是他我態度，
不但唔俾醫護人員的幫忙，
更爆粗添。

不過都唔理啦，
反正都出左院啦。

一番到屋企，
又做埋D我認為迷信D事，
首先係跨火盆，
其次係用柚子葉洗澡，
算啦，
就當求過心安吧！！

雖然現在隻腳仲痛，
可是勉強都行到。
我希望隻腳能快D好番啦。

不過真係好慘，
咁就冇左兩日聖誕假啦，
我從來都冇想過，
要係醫院度過聖誕的。