一樣新ｏ既產品點先可令顧客爭相購買呢？？
除左個件產品的確有好ｏ既功能外，
仲有就係配合極具綽頭宣傳技倆，
同埋利用人ｏ既貪新鮮ｏ既心理，
只有有足夠ｏ既吸引便可。

仲好記得好多年前ｏ既他媽哥池，
曾經風光一時，
到左以家雖然出左第二代，
可惜始終風光不再啦，
已無法再吸引好多人去買啦去玩啦，
諸如ｙｏｙｏ同蛇螺等，
亦因過卡通ｏ既播映已盛極一時，
以家就．．．．．．．．．．．．．．．．，
總結而言都係因為人有貪新鮮ｏ既心理，
貪新鮮似乎係人與生俱來ｏ既天性，
任何人都有包括你同我。

貪新鮮不只對於物件更至於事件，
好多時候都係因貪一時得意一時興喜已去做。
貪新鮮過後會點呢？？
會否持之而行呢？？
老實講好多人係新鮮過後便開始產生悶ｏ既感覺，
有ｄ更開始壓惡起來，
有ｄ更討厭起來，
最後更抛諸腦後同埋忘記佢。

不過總有一ｄ人係比較長情ｏ既，
總有一ｄ人係好堅持下去ｏ既，
堅持有時係好ｏ既，
有左堅持才可堅毅不屈ｏ既心態，
無論眼前有重重ｏ既難關，
都可克服下去。
但係應正矛盾ｏ既係過度堅持卻適得其反，
過度執著當然唔係好事啦，
有時候總要知難而退ｏ既，
唔通要知其不可而為之咩？？

中庸之道係好ｏ既思想，
我地好應該認清自己ｏ既能力，
對於成功與否有一重要ｏ既影響力，
只有對自己有清晰ｏ既了解，
對於自己有莫大既益處，
起碼知自己擅於咩野嗎！！