中學生涯終於完結啦，
我ｏ既心情就如落住毛毛細雨ｏ既天氣咁，
真係好傷心ｏ架，
真係有ｄ想哭呀。

回憶我ｏ既中學生涯，
真係好唔捨得ｏ架，
唔捨得ｏ既有學校ｄ一草一木，
唔捨得ｏ既有好用心教我地ｏ既老師，
唔捨得ｏ既有係學校渡過ｏ既歲月，
唔捨得ｏ既有一起努力奮鬥ｏ既同學們，
總之好多好多都唔係幾捨得，
好多都成左我ｏ既美好回憶啦。

以家雖然離開左母校，
我地已經再唔係同學關係啦，
大抵應用朋友稱呼啦，
唔知講得對嗎？？
無論如何，
我好開心係兩至三年內識左你地呢班人ｏ架，
希望真係可以ｋｅｅｐ住朋友ｏ既關係啦。

今日係ｃｈｅｍｏ既ｌａｓｔ堂啦，
好可惜呀，
ｃｈｅｍ　ｌｅｅ佢無返到呀，
無得搵同佢係ｃｈｅｍ　ｌａｂ影下相，
真係有ｄ美中不足呀。

同時今日都係既ｂｉｏｏ既ｌａｓｔ堂啦，
許ｓｉｒ當然有返啦，
我地仲表達左對佢ｄ意見，
佢仲同我地分享左ｄ野呀，
其後講左ｄ佢對某ｄ人ｄ睇法，
當佢講到我個陣，
話晒都識左六年啦，
係我係中學生涯接觸最多教我最耐ｏ既一位老師，
可以算係睇住我大，
睇住我ｏ既成長，
我ｏ既轉變，，
不過我無諗過佢對我有ｄ咁ｏ既睇法，
真係估唔到呀，
仲有ｄ意外，
無想過許ｓｉｒ對我有咁高評價，
真係受寵若驚。
最後仲鼓勵我呀，
我係好開心俾許ｓｉｒ教ｏ架，
許ｓｉｒ係我最最尊敬ｏ既老師黎，
我一定會努力ｏ架，
我唔會令許ｓｉｒ失望ｏ架，
唔會辜負許ｓｉｒ對我ｏ既期望。