呢幾日都無咩打日記~前日因為睇電視,睇得夜得製~~睇到兩點鐘星期日日又要返早,所以無打到!!尋晚仲慘開都開唔到,又累累地,好好好火爆....!直至今日老婆教我我先開得到,老婆你係得既

星期六個日勁唔開心,因為我一時疏忽,打錯銀碼累到公司!!可能累累地攪到精神有錯亂原本370我打左925~~先係我賠出黎,之後公司慢慢比返我~個一日係咁比人罵...個一刻真係唔想做,總之呢幾個星期好黑仔~都無咩好過,之前又打爛隻錶帶再之前因無收到個大陸女人錢又無左1000蚊,幾時先完呀,真係唔想過比人話既日子!!個一晚又係咁亂諗野,我一唔開心就亂諗野,我仲成日話老婆但無識話自己,呢一樣野同佢好相似!~仲諗如果有個條件過我好多既男仔追佢,佢會唔會接受人地呢??呢個世界係咁嫁啦!!

        1月28日~~~尋日就無咩事,好平常咁過~!!尋日好累,不過返賣一日就放假,無所謂啦,到左夜晚就同心口去打機減壓力~~打到2點靚,返到去開又開唔到日記攪左3點幾先有得訓~!!都係黑累地仔

今日食飯個時唔小心整跌左7喜,一開個時好似噴水池咁周圍噴,攪到成身痴痴地!!攪到比經理話我[呢啡]鬼~~仲話如果你係我你男朋友一齊唔會同我出街食飯,大把女等我陪我食啦~~!洗咩驚....食完飯個時我諗住買隻錶比我堂家姐,之後買左隻本身好想買個隻錶. . . .以前堂家姐就算幾憎我都好啦,都係過去左,我又唔應該好似以前咁,人地一返黎我理都唔理,佢地似終照顧左我一年,我又咁對佢地,害左自己同身邊既人~諗返起個心都好酸!!本身諗住無驚無險到9點,點知,到八點半d人傻左咁,係咁入唔停!!攪到勁忙~~要9點半先走得,估唔到衰婆又早放過我!!之後去左後巷等綺文傾計,見到寶儀又係到,同平時好唔同,唔係點出聲~佢見到綺文個時連聲都唔出,睇佢好似好內疚. . . .陪左老婆返屋企就去搵我堂家姐,送左隻錶比我堂家姐,佢好開心,佢諗都無諗過我會探佢,仲點會諗到我會送錶比佢呀!!我阿妹仲話個隻錶係邊本雜誌送,頂佢!!仲比我見到我堂細妹,佢係咁比我同兩個細妹係咁啜,佢仲反抗不過都係無用,...聽日9點鐘我堂家姐就走~走個時我堂家姐諗住比二百我~~不過我無收~!!今日算係值得紀念

尋晚老婆等我收工,之後就我都搵地方傾計,我地都好耐無見得咁耐啦~我都唔知邊忽得意,佢都傻飯地既~~今日老婆返左M記,你睇下我幾好呀,你一打黎我就出黎陪你啦!~你邊到搵到個咁好既老公呀!~尋日整爛個條錶帶係我賠呀~慘啦!!今日無咩人行行企企又一日,放工個時問左經理聽日係唔係雙糧同花紅一齊出,但係原來係一樣,聽完之後勁灰,其他人都多我幾陪!!慘.....返到去青衣睇下六合彩仲要一個字都唔中,心灰意冷!!成個人勁空虛,無心情!!

今日隻眼勁乾好累~~老婆佢都要返工~大家都咁累!!無計啦尋晚有d不快樂事件發生左~都廢事提!!~今日唔小心整爛個客隻錶,攪到比Yan話. . . .勁黑呀~差唔多放工個時,老婆係門口等我放工,都估佢等我放工唔會自己一個人走左去,但係老婆今日頭痛,有d唔舒服,都係尋晚攪到佢嬲自己一個人坐左係樓下涷親佢啦!~不過我自己都好累,呢幾日都訓得唔多!!就黎出雙糧啦,有錢洗啦~哈哈哈. . . . ,老婆你要自己小心身體呀~~我唔想你病左呀. . . . 廢事話我整病啦!!!