天呀.....點解咁架....琴晚10點幾去左訓....點知...12幾點就醒左....痴線....之後一直係bed度發呆...到左2點...個心好想打比老婆....不過我知老婆都唔想同我傾電話....之後打左比阿拉(陳愛小姐)~傾左一陣就講要珍惜眼前人...之後講講下講到我阿媽...有時我覺得自己好不孝....成日同佢頂撞...之後好想愛惜阿媽....點知..唉..你地睇落去就知....
我同阿拉傾左15分鐘左右就收左線啦~之後我都係訓唔著....4點幾先訓到.....6點幾就醒左...因為阿媽出去...7點30~阿媽終於出左去...我可以用電腦一陣.....到左8點15左右...阿媽返左黎..我黑仔的一天開始啦....
佢返到黎口黑面黑...之後叫我換3....因為今日我去報ive..ive琴日收左我(唉....好想同老婆講...不過......)之後到8點45左右我阿媽就鬧我出得門口未...不過我仲睇緊學費點交....之後叫佢等陣...過左冇幾耐..阿媽醒起要打電話比政府D人...之後去左搵電話no....時間慢慢咁過...9點了...阿媽搵唔到發皮4...鬧我做乜琴日唔去ive要等今日先去..結果我家姐比佢嘈醒埋....家姐就出黎幫阿媽搵電話no.....
家姐幫阿媽睇返琴日電話記錄....家姐問阿媽琴日個電話幾點打黎....之後阿媽話9點幾10點.....之後家姐就去睇啦...點知...得8點59分的來電....之後我家姐講....結果比阿媽鬧!!!
阿媽：邊有咁撚早呀..政府咁撚早返工咩...係都9點幾啦..仆街....(家姐好無奈....)
之後我就諗住用電腦去yahoo搜尋打d電話no咪可以知係咪政府打黎囉....就係呢個時間..我阿媽搵到電話簿...行埋電腦度叫我 『行撚開呀!!廢柴!!』 之後推開我.....
唉....我一句聲都冇出....因為我覺得好hurt我....我係佢個仔黎...咁話我...真係好唔開心
....之後我一直都冇出聲....到左9點15分啦...夠鐘出門口....我去左按life...阿媽就跟住黎....入到life有班8婆係度嘰嘰喳喳...好煩....之後我因為好唔開心...個人呆晒...自己一個行....阿媽就跟住黎....我行到馬路口既時候...因為我呆左同企得太前..比一架車經過車到飛晒d水落我隻腳度....唉..算啦...傻仔左....
之後行到火車站我發現阿媽唔知去左邊...原來我係下面火車站佢係上面....之後我上去搵佢....佢就發火....當街鬧我...我都係第一次係火車站中心比阿媽鬧...仲要勁大聲...之後d人望住.....阿媽不斷鬧我仆街廢柴之類既野啦....不過我一粒聲都冇出過...因為我好唔開心呆呆地....之後我就行去入"雜"...呢個時候..阿媽又發皮4....話唔同我去ive..又話唔比$我...話我讀乜撚..我又係冇出聲.之後我唯有自己一個上路...
我到左火車站入面等緊火車....呢個時候阿媽又返轉頭比$我...佢囉左7千蚊出黎...係我面前係咁整...又叫我自己數...不過我咩反應都冇...企左係度....之後佢數比我睇..又鬧我~~~阿媽:仆街仔....你唔好撚唔見左d錢呀...唔係我跳樓比你睇呀..仆街..(周圍d人係咁望住...)之後阿媽用手指指著我個頭....之後係咁篤我...我就冇還手由得佢整....之後佢大力咁篤左野鬧我仆街佢就走左....車黎啦..我上左車.....
到左火炭我落車行去ive....到左ive之後我問1個""吞緊pose""既"十Q"...嘈醒左佢...之後我問佢點行...佢教左我...當我到左既時候...都幾多人下....我就問人點做之類既野囉.....之後我去左囉from填.....過左一陣...唔知係咪認錯人=.=有條女(都幾靚女下!!不過同我老婆比....哈哈....差幾皮呀~~)埋黎聊我傾計...問我讀咩系又問我去唔去camp.....不過我冇咩理佢...只係講讀咩系...之後冇理佢..我都唔多想出聲....再過多陣有3條仔埋黎問我有冇野要幫手....我問佢地D ive既野囉....過左冇耐10點30左右啦....佢話我未交學費要我去交....之後我就自己一個慢慢咁由禾輋行到去沙田廣場地下的 東亞銀行 交$...交左之後我又慢慢行返ive....累死我啦...去到ive多左勁多人...所以要囉籌等...我張野係190...個陣先叫到160...我就企左係度等...等左半個鐘左右先到我...企到死死下....隻腳入面又濕晒....好唔舒服....攪惦晒之後...大獲野就發生啦....我D野比佢收晒~~連張學費收據都比佢收埋....死啦...阿媽又要我就冇諗到呢點...今晚一定比阿媽開波(打)啦....唉....
出左IVE後仲係11點幾...我就行去禾輋坐80K返第一城...因為今日下午4點要教鼓....不過我又早左勁多....之後去到中心...我問人A俊係唔係度..D人話係邱金帶活動....之後我就打比A俊同佢講IVE得左D野..之後問佢有冇野要我幫手...佢叫我囉膠紙比佢..之後就囉過去啦....去到邱金...我就坐左係d飯檯度...自己一個悶悶咁等時間過...悶既時侯我諗返起個陣我同老婆一齊食飯..好開心呀...自己不由自主咁笑左出黎....過左冇耐唔夠薑打比我問我今日係咪教鼓~~開心既野真係令時間過得好快呀...由其係諗同老婆學校既開心事....哈哈......不知不覺到左1點30分....我就係咁坐左係學校1個半鐘.....
1點30因為A俊得閒~~我就同佢傾讀書d野...1點45分...我返中心....去band房...今日Mark爺同Bobby同香斌都黎左佢地係度夾band....我得個睇字...因為我咩心情同心機都冇....唉...Mark爺佢都唔知係咪前世未講過粗口咁....句句係度屌人老母....真係...唉......佢地夾BAND我就係度除鞋除"物"因為濕晒麻...Mark爺話臭....我話不知幾香呀...時間又1分1秒咁去.....
下午3點50...Mark爺佢地走...我就係band房等d人....4點半...d人先黎左...佢地遲左半個鐘....之後咁就教啦....而家d靚仔真係好串....教佢又唔聽...又要一咪話自己識先識...又多口到死...佢地d阿媽又係度係咁講英文..講極唔明咁....今日我以經好唔開心..仲要係度煩....真係扯晒火
~~~
教到5點鐘...我準時收工....理得佢地咁多....我就返上水...琴日去沙田商務搵暑期作業比老婆不過搵唔到..今日返到上水我就走左去上水商務搵比老婆啦.點知都係冇..之後去學結他啦..點知遲到=.=""因為掛住搵暑期作業比老婆=.=""哈哈.不過值得既.呵呵..話事話我都有2個禮拜冇學結他啦...之前因為我冇心機冇學2個禮拜....晒左$200=.="""哈哈
學完之後我返屋企....時間我係7點幾啦...返左去老豆問我有冇囉ive學費張收據返黎...我話比人收左....佢就話我...唉....慘......今晚我一定比阿媽開波(打)....8點左右老豆同家姐落街食飯問我寺唔去...我先醒起我今日咩野都未食..早餐...lunch....咩都冇入過口....不過我又冇胃口....所以冇落去呀.....今日覺得自己好似玩『"食幾"緊30』咁...哈哈....8點幾我想用下電話on icq man咁啦...點知on唔到...唔知咩事......到左9點45先on到....之後就打日記啦....唉...今日真係....人生之慘.....夜d就要比阿媽開波啦.....嗚...............
丫...唔知今晚老婆林訓會唔會打比我呢....好想老婆同日日電電返呀.........
....話我多結他....最近多左支結他....其實係問阿欽(camp佬)借的...上次去佢屋企借...我仲記得我係佢屋企我訓左佢bed度..因為我好累好累...不過訓訓下老婆打電話比我問我第2日睇戲既野...不過可能我太累把聲""無呢神氣""咁....老婆以為我唔想講以為我嬲....其實我只係累姐....不過都黎唔切解釋....其實我都不知幾想老婆打電話比我....唉..一講打電話...琴晚老婆依然係冇打比我
