昨晚蘇悅寧打比我，

叫我去海洋公園，

其實之前佢都叫過我，

但個陣我爸好火，

一口就拒絕左.......

昨日我求我媽，

求左好耐都唔比去，

就連我自己出門票既$佢都唔比我去，

唉.......冇法~~~~

之後蘇悅寧都話唔去啦!!!

唔知真定假啦~~~

都唔知佢有冇去啦~~

總知我就冇得去啦........

今日下午同呀媽呀爸去左吉之島睇書桌，

因為要升中啦~

所以買過個書桌+書櫃(D書唔夠put)

諗左好耐，

討論左仲耐，

呀爸話買一個22,23幾吋既書桌同一個18吋既書櫃，

就剛剛好用曬D位啦!!!

呀媽又話唔好買咁野，

唔係既話間屋會好擠，

又話買個28吋既書桌就夠啦!!!

唔夠put再買書櫃，

講左好耐，

終於決定跟呀媽個想法去做，

我唔知點解兩個人點會結婚既，

一D默契都冇!!!

就係因為用左咁多時間去講，

就搞到我........算!之後先再講!

下左單之後，

我地就去左supermarket到買水果........

之後我同呀媽就去左剪頭髮，

諗住去個  彩晶髮  到剪，(因為個到又平又快)

點知休息!!!(真係諗起都火!!!)

咁就去左  髮閣  剪，

點知一直剪一直剪，

由3:30剪到4:30 !!!!

我本來要返屋企睇鬥牛的，(重播，昨晚都睇左次)

係2:30-4:30  (今日大結局)，

我行完街已3:30，

我諗住剪完頭髮4:00，

仲可以睇半粒鐘，(最後個半粒鐘最sweet，最好睇!!)

點知個個唔知咩鬼野髮型師，

剪咁耐!!!

個個吹頭髮既又吹左成15分鐘，

我一剪完已經立即衝返屋企，

但都係趕唔切，

遲左5分鐘........

我呀爸見到我跑入屋，

跟住又大叫，

已經好似想罵我咁，

但係係佢罵我前，

我就有股衝動，

在那一剎那，

我真的很想哭，

很想打人，

我也不知為什麼，

明明個集鬥牛昨晚已經睇過，

我之前又睇過無數遍，

點解我會有咁既感覺?

我脫下鞋，

把D習作攞入房做，(我每日都要做習作~~)

我入到房，

我終於也忍不住了.......

我的眼淚不斷從我的眼眶裡流下來.......

我再控制不了自己，

不停地哭，

不停地打我身邊的每件物件，

彷彿它們犯下了彌天大禍似的，

我也像個瘋子般，

一邊哭，一邊打枕頭.......

我沒有大喊，我也不敢大喊，

想想看，

我爸就在出面，

我大喊的話他一定知道，

我是個易哭的人，

但我的自尊心一直在作祟，

我不想人家知道我哭，

看見我哭.......

或許我哭，

根本不是因為我看不到鬥牛，

而是因為我覺得自己很沒用.......

我是個沒用的人，

我知道，

我考入聖保羅，

好似很厲害，

沒錯，我是考入了聖保羅，

這就代表我很厲害嗎???

我在這間學校裡面，

只不過是最差勁的那個，

正如我爸所說的:

你入到去聖保羅，以你的資質，肯定塾底!!!

聽到這句話，

我馬上好似今日咁，

好想哭出來，

又好想反駁，

但撫心自問，

他有說錯嗎?

我憑什麼反駁?

他只是說出個事實，

我根本就是要塾底的那一群......

我根本沒有資格讀聖保羅，

屋企雖然不算窮，

但也未去到可以讀私校的地步......

我要申請助學金.......

爸爸咁辛苦供我讀，

我卻只可塾底.......

我.......我是否很沒用?

剛才說的......只是我的心裡話，

又唔好講到我一定要塾底，

或者D人又唔係想像中咁勁呢!!!

但點都好，

我定左個目標:

我要考入全級30名以內!!!

這似乎不容易，

但我會試試的!!!!

加油!!!~~~~