唉~好彩都總算全部合格呢~~如果唔係，聽日報紙就會登我自殺既死訊嫁喇~~哇卡卡~放心喇，我唔會死住既~因為死咗我咪見佢唔到囉，呵呵呵......好喇，唔講依D住喇，唔想又俾人鬧我又提起「佢」喇~

好，咁就等我講返今日先喇，咁呢，我今日就冇好似琴日咁訓到唔願醒喇，[好開心哇~]但係，之後我同呀媽佢食早餐喇，咁佢同朋友傾計喎，咁我係咪唔應該出聲先呢。我咪自己係度食早餐，之後，佢叫我飲啖水喎，又話我唔帶水喎，咁我食緊嫁麻，咁個口就塞住D嘢食咁同佢講「我帶咗水喇~」之後佢又係度鬧我喎，狂係度鬧我態度唔好喎，之後我咪一路行一路喊咁返學喎，之後返到去個BT又係度話我喇，咁我同eva佢講返點解我喊喇，點知個BT係度話我講緊陳文輝喎，佢係唔係低能嫁~~

之後，對卷喇，對IS喇，好彩我加埋mc同平時分都合格姐，我幾驚唔合格哇，如果係我都唔知點算好呀~之後，maths喇，睇完mc同平時分之後，又合格喎，好開心呀~之後，中文，唔使講喇~~~之後，英文喎，對comprehension喇，嘩，我好開心囉，我comprehension竟然高過gigi，johnny同icu呀，初時我以為我攞錯卷添呀~跟住係hist，唉~都係個句，好財合格咋，不過都好過唔合格喇~之後，miss yuen佢同我地講，佢下個禮拜就唔會再係度教喇，佢話係因為佢搵到一間比較近佢屋企既學校喎。唉，好唔捨得佢呀~

之後，我咪返屋企囉~咁我一返到屋企，換完衫，之後開電腦喇，咁我實會開埋msn嫁喇，點知開咗冇幾奈，陳文輝佢竟然add我喎~好開心呀~雖然，佢係喺度蝦我既，不過，都好開心哇~