今日一早起身，換完33之後，我就出咗門口lu~原本我今日可以唔使咁早起身，但係要返去做專題研習，所以要早起。[其實係陳文輝返我先返，結果俾Rainbow佢知咗，我當然又......]之後，到咗9:30我就同潘潔君去食早餐，跟住就返小學探老師。但係我六年級既鍾老師冇返[好慘啊~見佢唔到~]探完之後我又返去同Rainbow佢地做埋嗰個專題研習。跟住佢地又話要做埋個訪問，就約咗係2:20係中原電器度等~咁我同Rainbow食，陳文輝同Gigi既boyfriend食，而Irene佢就要屋企食。當我地出學校門口個陣時~陳文輝佢竟然推vin佢落地喎~原本我唔想笑嫁~但係就.........[vin~你原諒我喇~]我同Rainbow就先去影咗貼紙相，之後就係美心西餅度買嘢食~[好味呀~]之後，我地又周圍行，我買咗個筆袋同散子包[好可愛嫁~哈哈~]之後，我地就去等佢地喇~點知陳文輝佢地已經到咗喎，咁我地問佢地頭完食咗D咩喇~佢地話去咗美食廣場試食，同買多咗一包薯片。[我係勁o嘴囉~]之後，Irene到咗，咁我地就開始我地既工作喇~咁原先我同陳文輝，仲有Gigi boyfrd一齊既~之後唔知點解唔見咗gigi條仔喎~咁就得返我同佢~好開心呀~佢對我都幾好既~卡卡~跟住做完就解散lu~咁我記得仲未還返枝筆俾陳文輝喎~咁我咪追上去搵佢囉~咁我搵咗好奈喇~之後終於都俾我搵到喇~我即刻跑上去還返枝筆俾佢喇~佢可能見我跑到好辛苦，咁又問我一聲「冇事丫媽~]我梗係冇事喇~佢咁問~好開心呀~不過我同時都好後悔。點解?咪就係我冇勇氣同佢表白囉~我明明今日有咁多時間同佢單獨相處，點解我講唔到嫁~好想喊呀~嗚嗚嗚......算~我已經決定咗要係佢生日嗰陣時同佢講嫁喇~
好喇~唔講喇~886

嘩嘩嘩~今日好開心呀~點解?卡卡卡，如果講咗出尼，我可能俾Rainbow佢鬧死我噃~[哈哈哈哈，講下笑姐，Rainbow佢唔會鬧我既~]咁我就講俾你知喇。其實又冇咩特別既，咪就係我今日終於買咗要送俾陳文輝既生日禮物姐~咪就係咁囉。~xdd~雖然份禮物唔係好令又唔係好名貴，不過佢係我睇咗好奈，先至搵到嫁~希望佢會鍾意喇~其實陳文輝佢叫我唔好送俾佢.....但係我就.....我好驚佢唔會肯收呀~點算好呀~好驚呀，好想喊呀~有冇肯幫我依個可憐既人啊~媽咪呀~嗚嗚嗚..........[哭泣中~]
算~唔買都買咗囉，無辦法家~唔通唔送俾佢咩~不過......我送得出先算喇.........[-_-llb汗]

哇卡卡~大家好~我又返尼啦~既然大家咁開心，等我同大家講一D好好笑既嘢喇~卡卡~咁我尋晚訓覺喇，點知一隻可惡既昆蟲係我耳邊飛尼飛去[煩住曬我訓覺。]咁我就起咗身，開咗燈，周圍睇搵個隻可惡既蚊。幾經辛苦，我終於搵到佢喇~咁我舉起隻手想拍死佢喇~點知佢咁身手敏捷，就咁俾佢飛走咗。之後我即刻去搵蚊怕水噴曬D手手腳腳，之後我就同隻蚊開咗一場大戰。咁我就係咁噴D蚊怕水喇，終於隻蚊都負傷咁樣飛咗出尼。咁我就發咗顛打佢喇~點知佢又好敏捷咁樣飛走咗[可惡~點解我唔夠依隻已經負傷既蚊玩嫁~]之後我周圍咁望咗好奈，以為佢飛走咗喇~諗住返上床訓喇。呵呵~又俾我搵到佢喎，當我見到佢時，其實佢已經就死家喇，咁我無謂咁快結束佢既生命喇，咪等佢慢慢咁死喇~之後我先同佢收屍。之後就訓lu~