呢個世界係度變緊呀！
今年，佢十七歲亦都係佢人生中最大轉變既唯一一年，
佢以前係一個冇咩特別理想特別要求既人，
但係佢好自負，
係呢年，
佢搵到佢既目標，
有自己想做既事，
但係係果一刻佢發原來佢係咁無能，
佢想做既事咩野都做唔到，
佢失去左佢最重要既野，
其實佢真係好後悔，
至少佢後悔有果時冇好好珍惜，
到左今日，
佢知道果樣好重要既野已經唔會再返黎，
其實係佢後悔既時候，
佢有努力過，
佢好努力去想守好每個承諾，
可惜既係，佢做唔到，
除左做唔到，佢個心仲好痛，
痛左好耐，痛到個人冇咩知覺，的確好辛苦。
到左今日，任何野都唔會帶到傷同痛比佢ｌｕ
因為佢已經對咩野都冇左感覺，
對物，對事，仲有對人，
所有野佢都冇左感覺，
如果宜家能夠簡簡單單，一份普通既工，就夠ｌａ
係公司佢係個員工，係學校佢係個學生，係屋企佢係個仔，係街佢係個路人，
可能你會話佢會生活既好機械，
但係對於佢可能係最適合。
最後，佢好想同佢最重要既野講，好多謝您，比左好多希望，比左好多快樂，
好多好多意想不到既驚喜，亦都比左一次，佢一生人唯一一次佢因開心而流淚既機會，可能呢世唔會再有第二次，
以後都唔好再為佢祈禱ｌａ，佢又唔信神，神一定唔會眷顧佢，
佢希望您會有一個美好既將來，有一日飛黃騰達，能夠如您所願，令您既屋企人退休後享清福，您一定得既，
真係好多謝您。
|
