多謝你呀~琴日你陪我去西環搵人,係番屋企o既途中,你同我講左好多野,

我好開心你話我可愛~你放心啦,我一定會keep住呢樣野架~你係第一次話我可愛呀~我一定會好好咁記住呀~!!

好彩我琴日o個到只係警司警戒,唔使留案底,梗加唔使入女童院,好彩炸~如果唔係,我就見唔到你啦~(笑)

多謝你一直都陪住我呀~!!我知道有好多人都關心我,好似阿Nei呀,阿刺呀咁~!!但係我知道,

呢一切都係你俾我架,如果唔係你,我一定會唔係o個個俾人關心o既人,好多謝你呀~!!

琴日你同我講,我同你唔會係forever,我聽左係有少少唔開心,但係我都知道,你現家只不過17歲,唔會咁快就forever,

就算你真係講話我地係forever,我都知你只不過係哄我,唔係真心o既,我寧可你咁樣講,咁我知道你同我講真話,

唔係為左哄我,而讚我o既都係真心~我寧願咁樣~!!係真架~!!YAN,多謝你呀~!!

我同你拍左拖只不過係13日,但係我覺得呢13日比我之前o個兩次拍拖黎講,呢13日係最開心o既,我係講真架~!!

我唔知我地會唔會係下個月就分左手,又或者再耐少少,我就梗係唔想分手啦,但係我知,如果你要分手,

我想唔分都冇用,我現家冇咩希望,我只係想你同我一齊可以覺得開心,我就只係想你開心~!!