哈... ...我現家係佢屋企呀,個傻瓜係到訓緊~!!我想叫佢起身架,不過琴日佢7點先訓,一定好眼訓架啦,

就俾佢訓多一陣啦~望住佢訓覺,其實都好開心架~!!佢訓覺個樣好可愛呀~!!成個細路仔咁~!!

估唔到佢都有咁o既一臉喎~!!嘻~!!唔知佢仲有冇其他樣我係冇見過架呢?!(笑)

老豆話暑假要番大6呀,你問我想唔想番,我就梗係唔想啦~!!番左大6就見唔到老公架啦喎,我先唔要呀~!!

但係個老豆一定唔會唔俾我番架喎... ...咁點好呢?!我唔係話驚佢會搵第二個,而係我會有成個月見唔到佢,

我會死架~!!(笑)我琴晚問佢想唔想我番大6,佢話唔想,我問佢點解啦~

佢一口氣就講左3個reason啦,第1, 佢鍾意我,我鍾意佢,

第2, 佢唔想見唔到我,我都唔會捨得佢,

第3, 佢愛我,我愛佢... ...

我聽到佢咁講,我好開心呀~!!雖然唔知係唔係真?!我唔理架啦,我當係真架啦~!!(笑)

如果真係要點都番o既話,我都想過左7月23日先,因為o個日佢生日呀,

我想陪佢過生日,我已經係到準備緊禮物架啦,我好希望o個日可以親手送俾佢... ...

仲有唔夠兩個星期就係我同佢1個月o既日子啦~(嘻)好期待喔~!!(笑)